Songs 140:12 - Hawaii Pidgin Bible

¹² But I know dis: You Da One In Charge, An you da Judge dat goin help Da peopo dat no mo notting. You goin make shua Dat da pooa peopo get dea rights.

Songs 140:12 ပူးပေါင်းရင်းမြစ်များ

1 Kings 8:45

Den I like you lissen from da sky Wen dey pray an beg you fo help dem, An I like you make shua dey stay do da right ting, An help dem fo do um.

1 Kings 8:49

Den lissen dem From inside da sky, wea you live. Lissen how dey pray to you, An da tings dey beg you fo do, An do da right ting fo dem.

Songs 102:17

Wen da peopo dat no mo notting pray, He goin lissen. He no goin tink Da ting dey tell him fo do, ony junk.

Songs 12:3

I like fo Da One In Charge Wipe out all da peopo Dat talk real nice kine Fo bulai peopo. An da peopo dat talk big.

Songs 12:4

Dey tell, “Cuz us guys talk wit plenny powa, Dass how we goin win! Cuz we talk nice kine, No mo nobody can tell us guys wat fo do!”

Songs 22:24

Cuz da peopo dat odda peopo put down, Wen dey talk to Da One In Charge, He no treat um jalike dey junk. He no turn aroun an go da odda way. Wen dat kine peopo yell to Da One In Charge fo help um, Da One In Charge, he lissen!” Dass wat I goin tell da peopo.

Songs 35:10

I go all out fo tell: “Eh! You Da One In Charge! No mo nobody jalike you! Da peopo dat no mo powa, You get um outa trouble From da ones dat mo strong den dem. Da peopo dat no mo notting, You get um outa trouble From da ones dat like steal dea stuff.”

Songs 72:4

Wen da king judge his peopo, I like fo him make shua Fo help da pooa ting guys. An fo da ohanas dat need plenny, I like fo da king get um outa trouble An poun da ones Dat like take away dea rights.

Songs 9:4

Az cuz you judge me awready An tell dat no mo notting wrong wit me. You sit on top yoa throne, cuz you da Judge. You tell, I get um right wit you, An you do wat stay right erytime.

Smart Guys 22:22

No go bus up one guy dat need plenny An rip off his stuffs, Jus cuz you know you can. No go bring one guy dat no can pay notting, In front da judge guys fo sue um,

Isaiah 11:4

Dass why he make one good judge Fo da peopo dat no mo notting. Wen dis judge make up his mind, He goin do da right ting fo da peopo all ova da world Dat no tink dey numba one. Da stuff he tell cuz he da judge, Dat goin bus up peopo all ova da world, An wipe out da ones dat do bad kine stuff.

Jeremiah 22:16

He wen make shua da judge guys do da right ting Fo help da peopo dat no mo notting, an need stuff. Dass how come eryting come good fo him. Cuz wen you know me, Da One In Charge, fo real kine, az how you goin ack! Az wat Da One In Charge tell.

Matthew 11:5

Had guys dat no can see, now dey can see. Had guys dat no can walk, now dey can walk. Had lepa guys, now dey no mo sick. Had guys dat no can hear, now dey can hear. Had guys dat wen mahke, now dey stay walk aroun. Da peopo dat no mo notting, now dey hear all da Good Kine Stuff From God dat I stay teach um.