Songs 140:10 - Hawaii Pidgin Bible

¹⁰ Make hot burning wood Fall down on top dea head. Throw um down inside da fire, O inside holes wit mud inside Wea dey no can get out.

Songs 140:10 ပူးပေါင်းရင်းမြစ်များ

Start 19:24

Den Da One In Charge make burning sulfur come down outa da sky wea he stay. Da fire come down on top Sodom town an Gomorrah town, jalike was rain.

Songs 11:6

He goin make fire fall down On top dose bad kine peopo, jalike was rain. He goin punish dem wit burning sulfur an hot wind.

Songs 120:4

God goin punish you guys. Jalike he hurt you Wit da sharp arrows da army guys use, An wit da red hot charcoal from da broom bush!

Songs 21:9

Wen you face all dose peopo, You goin wipe um out Jalike you put um inside one deep hole wea get fire. Da One In Charge, he stay huhu wit dem. Dass why he goin wipe um out. Dey goin mahke, jalike da fire eat um up.

Songs 55:23

But God, you goin throw down Da bad kine peopo Inside da deep hole fo mahke. Da kine guys dat like make peopo Bleed an mahke, An dat like bulai peopo, Dey goin live ony half dea life. But me, I stay trus you!

Songs 64:9

All da peopo goin come sked. Dey all goin talk bout da tings Dat God stay make happen, Dey goin undastan wat God wen do.

Songs 7:17

I goin tell erybody dat Da One In Charge, he da bestes Cuz he do da right ting erytime! I goin sing so peopo know wat kine god him, Da One In Charge, da God Dass Mo Importan Den All Da Odda Gods!

Smart Guys 28:10

Wen somebody bulai good kine peopo Fo make um go da wrong way, Jalike dey stay dig one hole fo trap da good guys, But dey da ones goin fall inside. But da kine peopo dat do da right ting erytime, God goin give dem good tings Cuz dey his kids.

Smart Guys 28:17

Wen one guy kill anodda guy, Goin bodda da killa guy, till he mahke. An no good, odda peopo try fo kokua him.

Matthew 13:42

Den dey goin throw um inside wea ony get plenny fire. Ova dea dey goin cry real hard an grind dea teet cuz dey so huhu an futless.

Matthew 13:50

Dey goin throw da bad guys inside wea ony get fire. Dea dey goin cry real hard an grind dea teet cuz dey real huhu an futless.”

Jesus Show 20:15

Erybody dat no mo dea name inside Da Book Dat Tell Who Get God Kine Life, God throw dem inside da lava lake dat stay burn.

Jesus Show 21:8

But da peopo dat no do notting cuz dey sked, da peopo dat no trus God, dat ack pilau kine, dat murda oddas, dat fool aroun somebody, dat do bad kahuna kine stuff, dat go down an pray to da idol kine gods, an erybody dat bulai somebody, dey goin go inside da lava lake dat stay burn wit sulfur. Dass wen dey mahke da secon time.