Songs 14:6 - Hawaii Pidgin Bible

⁶ Weneva da pooa peopo dat no mo powa Make plan fo do someting, You guys ony make fun a dea plan. But Da One In Charge, he goin make shua fo his peopo, Notting bad goin happen to dem.

Songs 14:6 ပူးပေါင်းရင်းမြစ်များ

Songs 142:5

I yell fo you fo help me, Da One In Charge. I tell, “You, da one take kea me Fo nobody hurt me. I get ony you, All da time I live inside dis world!”

Songs 3:2

Plenny peopo tell dis bout me: “No way God goin get dat guy Outa trouble!” (Time out fo da music.)

Songs 4:2

All you importan guys, How long you goin tell peopo Fo no respeck me An make me come shame, aah?! How long you guys goin tell Bad kine stuff bout me, aah?! How long you guys goin bulai peopo, aah?! (Time out fo da music.)

Songs 40:17

But me, I no mo notting. I ony get hard time. I like you, my Boss, tink bout me! Cuz eh! You my helpa! You my God! No wait! No take long time, aah?!

Songs 42:10

Da peopo dat stay agains me, Dey like make me come shame, Jalike my bones real sore, Enuff fo kill me. All day dey talk: “Eh! Yoa God, how come He no stay by you?!”

Songs 46:1

God, he jalike one place Fo us guys go hide. He make us guys stay strong Fo notting bad happen. Wen get all kine trouble, God stay ready Fo help us guys plenny.

Songs 9:9

Az why Da One In Charge, he jalike one place Wea da peopo dat get plenny presha can go hide Any time dey get trouble.

Ezekiel 35:10

“You Edom guys tell, ‘Da Israel an South Israel peopos an dea lands ouas. An we goin take um ova!’ But you guys foget me Da One In Charge stay dea.

Daniel 3:15

Now, wen you guys hear da soun from da music one mo time, if you guys stay ready fo go down an show respeck fo da statue dat I wen put up, az good. But if you guys no go down in front um, my guys goin throw you guys inside da real hot fire inside da big oven. Den wat kine god goin help you guys get outa my powa, aah?! No way!”

Hebrews 6:18

Wen God do dat, he do two tings dat no goin change eva. Numba One, he make one strong promise dat fo shua he goin do good tings fo us guys. Numba Two, he get da blame if he no do good tings fo us guys. An God no bulai nobody. He make dat promise cuz he like give us guys plenny good kine words. Dass fo us guys dat stay run to God fo get outa da bad kine stuff, fo us get da good kine stuff God wen promise he goin give us bumbye. We know he goin do dat, an we goin stay wait fo um.