Songs 14:4 - Hawaii Pidgin Bible

⁴ Dem guys dat stay do wass wrong, How come dey neva learn notting? Dey still do wass wrong! Easy fo dem eat up my peopo, Jalike easy fo dem eat bread. An dey no pray to Da One In Charge.

Songs 14:4 ပူးပေါင်းရင်းမြစ်များ

Job 21:15

Who dis God Dat Get All Da Powa, aah? Dat us gotta work fo him?! Wat good ting goin happen to us guys If us aks him fo help us?’

Job 27:10

Da guys dat ack jalike God no matta, You tink dey goin stay good inside Wen dey tink bout Da God Dat Get All Da Powa?! Not! You tink dey goin aks God fo help um erytime?! Not even!

Songs 27:2

Weneva da bad kine peopo attack me Jalike fo eat me up, Dey da ones dat goin come tired an fall down, not me.

Songs 79:6

Mo betta you come huhu Wit da nations dat donno you, An cuz da peopo from dose countries Donno wat kine god you, Dey no aks you fo help dem.

Songs 82:5

“Dem odda ‘gods,’ da ones in charge, Dey donno notting! Dey no undastan notting! Any place dey go, bad tings happen Jalike inside one dark place! Eryting dat make da world solid Stay shaking cuz a dem!”

Smart Guys 30:14

An dat kine peopo, Dey like wipe out da peopo dat no mo powa From all ova da world. Dey like wipe out da peopo dat need help So dey no need help um an dey go way. Dey jalike one wild animal Dat get sharp teets, jalike one sword o knife!

Isaiah 27:11

Da Israel peopo, dey jalike small branches From da trees dat come dry an dey broke. Da wahines come pick um up fo make fire. Az cuz da Israel peopo, dey not da kine peopo Dat undastan stuff, Dass why God dat wen make dem No feel pity fo dem. He no like do notting fo dem.

Isaiah 29:14

Az why I goin do dis awesome ting One mo time fo dis peopo, All plenny kine stuff, ova an ova. All da stuff dat da guys tell Dat know wat fo do erytime, Goin all come wipe out. An all da stuff dat da guys tell Dat undastan stuff, Nobody goin know wat dey know, bumbye.”

Isaiah 45:20

“Go come togedda, an come nea me, All you prisona guys From all da diffren countries. Da peopo dat carry dea idol kine gods hea an dea wit dem, Dat somebody wen make from wood, Dey donno notting! Dey pray to da kine gods Dat no can get dem outa trouble.

Isaiah 5:13

Dass why my peopo goin come prisonas An go anodda land, Cuz dey donno notting. Dea importan peopo goin mahke Cuz dey no mo food fo eat, Da odda peopo goin mahke Cuz dey no mo notting fo drink.

Isaiah 64:6

All us guys wen come Jalike somebody dat do pilau kine stuff An no can come in front you, Da One In Charge, cuz a dat. All da tings we do fo show we stay do da right ting, Jalike pilau an dirty kine rags. We all lose fight, jalike one dry up leaf. An da bad kine stuff we do, wipe us out Jalike wen da wind blow away da leaf.

Isaiah 64:7

No mo nobody know wat kine god you, So nobody call you fo help um. No mo nobody try fo hang in dea wit you, Cuz you no like even look at us guys. You make us lose fight, So da bad kine stuff we do, take ova us.

Jeremiah 10:25

Mo betta you throw yoa huhu On top da nations dat donno you, An wit da ohanas dat donno wat kine god you, An dey no call you fo help dem. Cuz dem, dey kill us peopo dat get Jacob fo oua ancesta, An dey bus up da land wea we live.”

Hosea 7:7

Dey all stay huhu jalike one oven dat still stay real hot. Dey wipe out dea leada guys. Dey kill all dea kings cuz a dat. But not even one a da king guys call to me, Da One In Charge, fo help um.

Amos 8:4

Den Amos tell: “You rich guys, you betta lissen dis real good! You guys go all out fo put presha On da peopo dat no mo notting. An you try fo wipe out guys inside yoa land Dat stay sked fo stan up agains you.

Rome 1:28

Cuz dey tink, “Mo betta we no stay tight wit God fo real kine!” Az why God let um ack how dey like ack. An dey ony tink fo do no good kine stuffs. Dass how dey ack.

Galatia 5:15

But if you guys go beef each odda, an eat up each odda jalike wild animals, den watch out, cuz you guys goin make each odda come wipe out.