Songs 14:2 - Hawaii Pidgin Bible

² Da One In Charge, he look down from da sky An see all da peopo. Da One In Charge look aroun fo see if get even one guy Dat undastan stuff fo real kine An like know God fo real kine.

Songs 14:2 ပူးပေါင်းရင်းမြစ်များ

Start 11:5

Da One In Charge go down by dea town fo look an check out da towa dat da peopo build.

Start 18:21

I gotta go down dea, fo make shua az fo real, cuz da peopo yell fo me help dem. But if not real horraz, I goin find out dat too.”

Start 6:12

God see dat eryting in da world come poho. Da way dey live, all da peopo ack pilau.

2 Records 19:3

Still yet, get some good kine stuff inside you. Cuz you wen take out all da tiki poses fo da wahine god Asherah inside da land, an you wen make up yoa mind fo come fo know Da One In Charge.”

2 Records 30:19

Cuz dey go all out fo try know Da One In Charge, da God fo dea ancesta guys. No matta dey no stay clean still yet, jalike da Rules fo da spesho place tell.”

Job 15:14

“You tink get anybody dat no stay pilau inside an can go in front God, o wat?! You tink get anybody dat one wahine wen born, Can do da right kine stuff, da way God see um? Not even!

Songs 107:43

Da peopo dat know wat fo do erytime Good dey stay do all dis stuff, An tink plenny bout how God stay tight wit his peopo!

Songs 11:4

But Da One In Charge, he stay inside da Temple dat stay spesho fo him. From da sky, Da One In Charge stay in charge a eryting. He watch wat erybody do. He check out all da peopo on top da earth.

Songs 69:32

Da peopo dat stay suffa, Goin see wat stay happening, An dey goin stay good inside Cuz a dat! All you peopo dat like find God, You goin get one good life cuz a dat!

Songs 82:5

“Dem odda ‘gods,’ da ones in charge, Dey donno notting! Dey no undastan notting! Any place dey go, bad tings happen Jalike inside one dark place! Eryting dat make da world solid Stay shaking cuz a dem!”

Songs 92:6

But fo da kine peopo Dat donno how fo tink good, Get stuff dey no goin know. Da dumb buggahs dat tink Dey no need learn notting, Dey no can undastan Wat I goin tell now.

Smart Guys 2:9

“You do all dat stuff, An den you goin undastan wass right, An how fo judge da right way An make same kine to erybody, An how fo find da good way fo go erytime.

Smart Guys 8:5

Eh, you guys dat donno notting an easy fo bulai! Come learn how fo be akamai! An you dumb buggahs dat tink you no need learn notting, Come learn how fo tink strait!

Smart Guys 9:16

“Eh, all you peopo dat donno wat stay happen, No go odda place, come hea by me! Eh, all you peopo dat get hard time fo tink strait, I tell you dis:

Smart Guys 9:4

“Anybody dat donno wat stay happen, All dey gotta do is come ova hea wea I stay. No matta dey donno how fo know bout stuff, I tell um lidis:

Isaiah 27:11

Da Israel peopo, dey jalike small branches From da trees dat come dry an dey broke. Da wahines come pick um up fo make fire. Az cuz da Israel peopo, dey not da kine peopo Dat undastan stuff, Dass why God dat wen make dem No feel pity fo dem. He no like do notting fo dem.

Isaiah 55:6

Go all out fo know Da One In Charge Right now, wen he let you guys meet him. Call him fo help you Now, wen he stay nea.

Isaiah 63:15

Da One In Charge! Look down from da sky From da place you live up dea, Yoa Good An Spesho Place, Dat show how awesome you stay! Look down fo see wat stay happen! Befo time you wen go all out fo us guys. But now, you no give a rip! Befo time, you wen use yoa powa fo help us guys. But now, you no do notting. You wen feel plenny love an pity fo me befo time, But now, you stay hold back from me!

Isaiah 64:1

Eh, Da One In Charge, I wen like fo you open da sky An come down hea awready! If you wen do dat, da mountains goin shake Jalike get earthquake, An fall down in front you!

Isaiah 8:19

Peopo goin tell you, “Go by da wahines dat talk to da mahke peopo, an da guys dat know da kine spirit dat wispa an make small kine noise you no can undastan. Aks dem fo tell you wat goin happen bumbye.” But, eh! Mo betta da peopo go aks dea God wat goin happen, aah?! No make sense talk to da mahke peopo, an tink dat goin help da guys dat stay alive!

Jeremiah 4:22

Da One In Charge tell, “My peopo, dey do bad kine stuff an no bodda dem. Dey donno who me. Dey jalike kids dat no tink. Dey no undastan notting. But dey real smart fo do bad kine stuff, Dey donno how fo do good kine stuff!”

Jeremiah 5:1

“Run up an down da streets inside Jerusalem town. Look aroun an tink hard. Look inside all da open places. If you guys can find one guy dea Dat can tell wass right an wass wrong, One guy dat fo real kine like know wass true, Den I goin let go all da peopo inside Jerusalem Fo da bad tings dey wen do, An hemo dea shame.

Sad Song 3:50

Till Da One In Charge look down from da sky An see wat stay happen.

Daniel 12:10

“Plenny peopo goin clean up All da bad kine stuff dey get inside, So no mo notting bad goin stay inside dem. All dat goin be jalike one tes Fo make shua dey stay clean inside. But da bad kine guys goin still stay do bad kine stuff. No goin get nobody from da bad kine guys Dat goin undastan. But da leada guys dat know how come all dis stay happen, Dey goin undastan.

Matthew 13:15

Cuz dis peopo get hard head, Dea ears no can hear good, Dey close dea eyes, Cuz dey no like see fo real kine, Dea ears, dey no like hear fo real kine, Inside dem, dey no like undastan notting. Dey no like change da way dey live, Fo me make um come good.’ “Dass wat God tell.

Rome 3:11

No mo nobody dat undastan, No mo nobody dat try fo know God!

Hebrews 11:6

An you know, whoeva no trus God, dey no can make God stay good inside. Cuz whoeva like come tight wit God, dey gotta stay shua dat God stay fo real. An if dey like know him fo real kine, dey gotta stay shua dat God goin give um someting spesho fo dat.