Songs 137:3 - Hawaii Pidgin Bible

³ Az cuz da guys dat wen capcha us, Tell us gotta sing fo dem. Da ones dat make us moan cuz we sad, Dey tell, “Go sing one happy kine song From Jerusalem town!”

Songs 137:3 ပူးပေါင်းရင်းမြစ်များ

1 Records 15:27

David, he get one linen kine robe wrap aroun him, an all da Levi guys dat carry da Box wear um too, an da guys dat sing, an Kenaniah, dat lead all da guys dat sing. An David wear one white linen pries kine ves too.

1 Records 16:7

Dat time, David give Asaf an his helpa guys da job fo tell Da One In Charge “Mahalo!” lidis:

Nehemiah 4:2

In front his frenz an in front da Samaria army guys, Sanballat tell, “Wat dese Jew guys stay doing?! Dey tink dey can build dat wall one mo time, o wat?! Dey tink dey can make sacrifice ova dea?! Dey tink dey can pau do da work in one day?! Dey tink dey can find da big cut stones inside da dirt piles an make um fo dem come good one mo time?! Cuz dey stay all burn up. No way dey can!”

Songs 65:1

Eh God! Az good, Peopo tell dat you da bestes, Wen dey go Zion Hill fo pray to you. Az good, dey do da tings Dey wen make one strong promise To you fo dem do.

Songs 79:1

Eh God! Da diffren peopos, Dey wen attack da land dass yoas. Dey wen make da Temple pilau Dat stay spesho fo you, Fo us guys no pray dea now. Dey wen bus up eryting Inside Jerusalem town.

Songs 80:6

You make da peopos Dat live aroun us guys Make argue wit each odda Fo find out who goin take ova us. Da guys dat stay agains us Make any kine joke bout us.

Songs 9:14

So wen I go back Zion Town, I goin tell bout all da awesome tings you do! I goin show dat I stay good inside Cuz you wen get me outa trouble.

Smart Guys 25:20

If you sing happy kine song to somebody Dat stay all jam up inside, Az jalike you steal da guy jacket wen stay cold, O you pour vinega on top baking soda An ony make bubble, No help notting.

Isaiah 35:10

Da ones, Da One In Charge wen pay da price fo dem, Dey goin come back to Mount Zion. Dey goin go inside da Temple Fo Da One In Charge, An dey goin dance an sing An feel good inside all da time. All dat goin be jalike one crown on top dea head. Wen dey stay go, dey feel good inside Mo an mo erytime. Befo time, dey feel sore inside plenny. But all dat gone awready!

Isaiah 51:11

“Dis time, same ting! Fo get da peopo outa trouble, Da One In Charge goin pay da price. Dey goin come back Mount Zion side Inside Jerusalem town, Dey goin yell plenny cuz dey feel real good. Jalike dey stay wear one haku lei on top dea head Fo show dey like dance an sing all da time. Dey stay feel good inside An dance an sing wen dey stay coming. Dey no goin feel sore inside, An no goin moan no moa.”

Jeremiah 26:18

“Wen Hezekiah stay da Judah king, Micah from Moreshet wen talk fo God. He tell all da Judah peopo, ‘Dis wat Da One In Charge, da God Ova All Da Armies, tell: “Zion Hill wea da Temple stay goin come jalike one field somebody wen plow. Jerusalem town goin come jalike one big rubbish pile! Da hill fo da Temple goin come one hill wit plenny trees all ova.” ’

Jeremiah 9:11

Da One In Charge tell, “I goin make Jerusalem town come one rubbish pile. Ony goin get wild jackal dogs ova dea. I goin wipe out da Judah towns Fo no mo nobody live ova dea.”

Micah 3:12

Fo shua, cuz a you guys, Da peopo dat stay agains us goin plow Mount Zion jalike az one field. Jerusalem town goin come all bus up. Da hill wea da Temple Fo God stay, Goin get ony bushes all ova.”

Luke 21:6

“You guys see all dis stuff? Bumbye no goin get one stone on top anodda. Eryting goin fall down.”