Songs 135:8 - Hawaii Pidgin Bible

⁸ Fo da Egypt peopo, he wen wack Da numba one boy inside ery house. He wen kill da ones dat wen born From da Egypt peopo, An from dea animals too.

Songs 135:8 ပူးပေါင်းရင်းမြစ်များ

Songs 105:36

Den he wipe out All da numba one boys Inside dea land, Da spesho ones, Dat was goin make dea peopo strong.

Songs 136:10

Da One In Charge, he wen kill Da numba one boys fo da Egypt peopo, Cuz he stay tight wit his peopo foeva!

Songs 78:51

Ery numba one boy From ery ohana inside Egypt, God wen kill um, Da strong ones Dat get Ham fo dea ancesta guy.

Outa Egypt 12:12

“Dis wat I mean: Dat nite, I goin pass ova da Egypt land, from one side to da odda side. Ery numba one boy dat live inside da land, I goin kill um. Da peopo an da animals, same ting. Dass how I goin show proof to da Egypt peopo dat all da gods dey pray to, dey notting, cuz me Da One In Charge!

Outa Egypt 13:15

Cuz da King ova dea, da one dey call da Pharaoh guy, he come real hard head an no like let us guys go way from dea. Dass why Da One In Charge kill all da numba one boys all ova da Egypt land. He kill all da numba one boy kine animals too. Dass how come I stay make one sacrifice to Da One In Charge wit ery animal dat come firs outa da muddah, if boy kine. An you, da numba one boy from my kids, I pay God back fo you too cuz you stay spesho fo God.’

Jesus Guys 7:7

I goin punish da peopo dat make dem slaves. An laytas, yoa ohana guys goin go way from ova dea, an dey goin pray an show me respeck in dis place.’ Dass wat God tell.