Songs 135:7 - Hawaii Pidgin Bible

⁷ Da One In Charge, he da one Dat make da clouds come up From da mos far place in da world. He make da lightning an da rain. He da One dat make da wind come From da place wea he keep um.

Songs 135:7 ပူးပေါင်းရင်းမြစ်များ

1 Kings 18:1

Long time afta dat, da numba three year dat no mo rain, one message come from Da One In Charge fo Elijah: “Go talk to King Ahab. Cuz now, I goin make rain come down on top da groun.”

Job 5:10

He da One sen da rain on top da earth, An sen watta on top da countryside.

Songs 107:25

God jus tell someting, An he bring up one storm wind Dat make da ocean waves Come real big.

Songs 148:8

Da fire too, an da hail from da sky, Da snow an da smoke, Jalike dey tell good tings Bout Da One In Charge too, An even da hurricane too, Dat do wat God tell um fo do.

Songs 78:26

God tell da wind from da east Fo blow from da sky. He use his powa fo make da wind From da south come by dem too.

Jeremiah 10:13

Wen he talk, da thunda, jalike az his voice, An make da watta inside da sky make big noise too. He make da clouds come up From da mos far places on top da earth. He make da lightning come wit da rain. He bring da wind outa his storage places.

Jeremiah 14:22

Da idol kine gods fo da diffren peopos, Dey good fo notting— Dey no can bring rain, aah?! Da sky not da one sen down rain showas! You da One, Da One In Charge, do all dat. You oua God, an us guys stay wait fo you help us, Cuz you da One stay do all dis stuff.

Jeremiah 51:16

Da thunda, az his voice, Da big noise from da watta inside da sky. He make da clouds come up From da mos far places on top da earth. He make da lightning come wit da rain He let da wind come outa his storage places.

Jonah 1:4

Wen dey was going, Da One In Charge make one bite hard wind come on top da ocean. Da storm come on top da watta real strong, an da boat litto mo bus up.

Zekariah 10:1

Tell Da One In Charge fo sen rain spring time. Cuz him da One dat make da clouds wit thunda. He goin sen rain showas fo da peopo. He make da plants grow good inside da fields fo erybody.

John 3:8

Da wind blow hea an dea. You can hear um, but you donno wea da wind come from o wea stay go. Dass jalike erybody dat born one mo time from God Spirit.”