Songs 135:4 - Hawaii Pidgin Bible

⁴ Cuz Da One In Charge wen pick Oua ancesta guy Jacob Fo come his spesho boy, Da same Jacob guy Dat Da One In Charge wen give Da name Israel, Da One In Charge pick him Fo be his guy.

Songs 135:4 ပူးပေါင်းရင်းမြစ်များ

Songs 105:6

Lissen up, you peopo Dat come from Abraham: Abraham da one dat get God fo his boss! Lissen up, you guys dat come from Jacob, He da one dat Da One In Charge wen pick!

Songs 33:12

Da country dat get Da One In Charge fo dea God, Eryting goin go good fo dem. Dey goin be da peopo Dat God pick fo be his peopo.

Isaiah 41:8

“But you Israel peopo dat work fo me An come from Jacob, I wen pick you guys. You get Abraham fo yoa ancesta, An he my fren.

Jeremiah 51:19

Da One da Jacob peopo get fo be dea God, He not jalike dose idol kine gods! Cuz he da One wen make eryting. He make da Israel ohana peopo fo come his peopo. Dass Da One In Charge, da God Ova All Da Armies.

Malakai 3:17

Den Da One In Charge, Da God Ova All Da Armies tell: “Wen da time come fo me make dem my spesho peopo, dey goin come mines.

Rules Secon Time 10:15

But still yet, Da One In Charge wen like yoa ancesta guys, an get love an aloha fo dem. An he pick you guys dat come from dem! He neva pick any odda peopos. An dass how stay today.

Rules Secon Time 26:18

An Da One In Charge tell today in front erybody, dat you his spesho peopo jalike he wen promise fo do, an dat you goin do eryting he tell you guys fo do.

Rules Secon Time 32:9

Da One In Charge wen pick his peopo, Fo come dea God. Da peopo dat come from Jacob, Dey his property.

Titus 2:14

He wen give his life fo mahke fo us guys, fo him cut us loose from all kine pilau stuff, an from go broke God rules, an make us clean inside. He like make us his spesho peopo, dat go all out fo do wateva stay good.

1 Peter 2:9

But you guys da one God wen pick. You da pries guys fo da King. You guys da peopo dat stay spesho fo God. God tell, “Dey mines!” bout you guys, fo you guys tell erybody all da good stuff God wen do. He tell you guys fo come outa da bad kine stuff an stick wit da good kine stuff he like us fo do. Jalike you wen go outa da dark an come inside da awesome light.

1 Samuel 12:22

Da One In Charge no goin leave you guys! Cuz he awready make up his mind fo make you guys come his peopo. An he no goin jam up his good rep.