Songs 135:19 - Hawaii Pidgin Bible

¹⁹ Eh! All you peopo from da Israel ohana! Tell Da One In Charge dat he good, Cuz he help you guys. All you pries guys from da Aaron ohana Tell Da One In Charge dat he good, Cuz he help you guys!

Songs 135:19 ပူးပေါင်းရင်းမြစ်များ

1 Records 29:20

Den David tell all da peopo, “Tell yoa God, Da One In Charge, ‘Mahalo plenny!’ Cuz he do good tings fo you guys!” So all da peopo dat come togedda dea, tell “Mahalo!” to Da One In Charge, da God dea ancesta guys wen pray to, cuz he do good tings fo dem. An dey go down an put dea face on top da groun fo show love an respeck fo Da One In Charge an da king.

Songs 115:12

Da One In Charge, he no foget us guys. He do good tings fo us guys. He do good tings Fo all da Israel ohana peopo, Fo da pries guys dat come from Aaron, An all da odda guys too.

Songs 145:10

Eh! You Da One In Charge! All da tings you wen make, Dey goin tell good tings bout you. Da peopo dat stay tight wit you, Dey goin tell da good tings You do fo dem.

Songs 148:14

Da One In Charge Stay make his peopo come strong. Dass how come Peopo tell good tings— All da ones dat stay tight Wit Da One In Charge, Da Israel ohana peopo, Da peopo dat stay tight wit him. Eh you guys! Tell good tings Bout Da One In Charge!

Jesus Show 19:5

Den, jalike one dream, one voice come from God throne an tell, “Erybody dat work fo oua God, An get respeck fo him, All da big an small peopo too, Talk good bout him!”