Songs 135:13 - Hawaii Pidgin Bible

¹³ Eh! You Da One In Charge! Peopo goin know who you, foeva! All da peopo dat goin come bumbye, All dem no goin foget you, Da One In Charge!

Songs 135:13 ပူးပေါင်းရင်းမြစ်များ

Songs 102:12

But you, Da One In Charge, You goin stay king foeva. All da peopo dat goin come bumbye, Dey goin know bout you.

Songs 102:13

You goin do someting Fo show you get pity an aloha Fo da Jerusalem peopo— Cuz right now, az da time You goin do good tings fo dem.

Songs 102:21

Cuz a dat, peopo goin talk story On top Zion Hill Bout wat kine god Da One In Charge. An dey goin tell Inside Jerusalem town Dat he da greates.

Songs 72:17

I like fo peopo no foget Wat kine king him, Foeva, all da time da sun stay shine. I like fo all da nations tell, “God do good tings fo us, Cuz a dis king an his ohana!” An dey tell, “Dis king, Fo shua he stay good inside!”

Songs 8:1

Eh! You Da One In Charge! You oua Boss! All ova da world, peopo know wat kine god you, Dat you stay awesome! You make da sky Fo show you da bestes!

Songs 8:9

Eh! You Da One In Charge! You oua Boss! All ova da world, peopo know wat kine god you, Dat you stay awesome!

Songs 89:1

Eh! You Da One In Charge! From now an foeva, I goin sing Bout how you stay tight Wit yoa peopo. I goin sing fo da peopo Dat goin come bumbye, Fo make shua dey goin know Fo trus you erytime Fo do wat you tell you goin do.

Outa Egypt 3:15

God tell Moses fo tell da Israel peopo: “Da One In Charge, he da same God dat yoa ancesta guys wen pray to. He da God fo Abraham, fo Isaac, an fo Jacob. Was him wen sen me by you guys. “An no foget, Da One In Charge, Dass my name foeva! Dass how you goin teach yoa kids Fo no foget who me, An same ting fo dea kids, foeva!

Hosea 12:5

Da One In Charge, he da God Ova All Da Armies. Da One In Charge, nobody foget who him!

Matthew 6:13

Show us guys how fo no do bad kine stuff Wen somebody give us chance fo do um, But get us outa trouble from da Bad Guy. [Cuz you oua King, You get da real powa, An you stay awesome foeva. Dass it!]’ ”

Matthew 6:9

So, pray lidis, “ ‘God, you oua Faddah. You stay inside da sky. We like all da peopo know fo shua How good an spesho you stay, An show you plenny respeck.