Songs 135:1 - Hawaii Pidgin Bible

¹ All you guys! Tell good tings Bout Da One In Charge! Tell good tings bout Da One In Charge Cuz you know wat kine god him! All you guys dat work Fo Da One In Charge, Tell good tings bout him!

Songs 135:1 ပူးပေါင်းရင်းမြစ်များ

1 Records 6:17

Gershon boys: Libni an Shimei.

Nehemiah 9:5

Den da main guys from da Levi ohana—dass Jeshua, Kadmiel, Bani, Hashabneiah, Sherebiah, Hodiah, Shebaniah, an Petahiah—dey tell da peopo, “Stan up! Tell erybody da good tings dat Da One In Charge do fo you guys. He stay da God fo you guys, from da time eryting wen start, an foeva an eva!” So den one a dem talk to God lidis: “We like tell erybody da good tings you do! We know you one awesome God! You do mo plenny good tings den us know how fo tell, An you mo awesome den awesome!”

Songs 102:21

Cuz a dat, peopo goin talk story On top Zion Hill Bout wat kine god Da One In Charge. An dey goin tell Inside Jerusalem town Dat he da greates.

Songs 106:1

Eh you guys! Tell good tings Bout Da One In Charge! Tell good tings bout Da One In Charge, Cuz he good, An he stay tight wit his peopo all da time!

Songs 107:15

Good, dose peopo tell good tings Bout Da One In Charge Cuz he stay tight wit his peopo, An he do awesome kine stuff Fo peopo all ova da world.

Songs 107:8

Good, dose peopo tell good tings Bout Da One In Charge, Cuz he stay tight wit his peopo, An cuz he do Awesome kine stuff fo erybody.

Songs 111:1

Eh you guys! Tell good tings Bout Da One In Charge! Weneva da peopo dat stay do wass right Come togedda, I goin go all out fo tell How awesome Da One In Charge stay.

Songs 112:1

Eh you guys! Tell good tings Bout Da One In Charge! Anybody dat get choke respeck Fo Da One In Charge, An fo shua like do Wateva Da One In Charge tell um fo do, Dey goin stay real good inside.

Songs 134:1

Tell Da One In Charge dat he good, Cuz he stay do good tings Fo all you guys dat work Fo him nite time Inside da Temple Fo Da One In Charge!

Songs 148:13

Good, dey all tell good tings Bout Da One In Charge, Cuz dey know wat kine god him! Cuz he da ony one dat get One big name dass fo real, Fo be da mos awesome king In all da world an inside da sky!

Songs 150:6

Eryting dat breave, tell good tings Bout Da One In Charge! Eh you guys! Tell good tings Bout Da One In Charge!

Songs 7:17

I goin tell erybody dat Da One In Charge, he da bestes Cuz he do da right ting erytime! I goin sing so peopo know wat kine god him, Da One In Charge, da God Dass Mo Importan Den All Da Odda Gods!