Songs 132:9 - Hawaii Pidgin Bible

⁹ Us guys like peopo fo see, Dat even da kine spesho clotheses Yoa pries guys wear, Make erybody tink bout wass right! Us like da peopo dat stay spesho fo you Sing cuz dey stay real good inside!”

Songs 132:9 ပူးပေါင်းရင်းမြစ်များ

2 Records 6:41

“An now, you oua God, Da One In Charge! Stan up! Go come inside dis place fo you res, You an da Box Fo No Foget Da Deal Dat show how strong you stay! An oua God, Da One In Charge, I like fo yoa pries guys Know fo shua you get peopo outa trouble. I like fo da peopo dat stay tight wit you Dance an sing cuz you good!

Job 29:14

I make shua I do da right ting erytime, An judge peopo da right way. Cuz a dat, peopo know wat kine guy me, Jalike I get spesho kine clothes.

Songs 104:1

I tink lidis: “I like tell how Da One In Charge Make me come wat he like me fo come!” An I tell, “Eh! You Da One In Charge! You my God, an you big fo shua! Erybody get respeck fo you! Dey can see, you one awesome king!”

Songs 132:16

I even goin make Da spesho kine clotheses Da pries guys wear, Fo make erybody no foget Dat I wen get um outa trouble. Da peopo ova dea Dat stay spesho fo God Goin sing plenny, Cuz dey stay real good inside.

Songs 149:5

Dose peopo dat stay tight Wit Da One In Charge, Cuz dey da winnas An dey get plenny respeck. Even wen dey try go sleep, Dey tell good tings Bout Da One In Charge.

Songs 47:1

All you peopos, clap yoa hands! Yell plenny fo God, Cuz you stay good inside!

Songs 68:3

But fo da peopo dat stay do wass right, I like fo dem come real good inside An feel good wen dey come In front God! I like fo dem dance an sing Cuz dey stay good inside!

Songs 70:4

All da peopo dat like know you Fo real kine, I like fo dem stay real good inside, An dance an sing! Da ones dat get love an aloha fo you Cuz you get um outa trouble, I like fo dem tell foeva, “God, he da greates!”

Songs 93:1

Da One In Charge, he da king! He stay awesome an strong Jalike he wear king kine robes! He wen put da world in da right place, An no mo notting can shake up Da world from dea!

Isaiah 61:10

I stay feel plenny good inside cuz a Da One In Charge. I feel real good cuz a my God. Cuz jalike he give me clotheses fo wear Dat show he da One get me outa trouble, An jalike he give me one nice robe Fo show I get um right wit him. I feel jalike one guy dat goin get married An wear one fancy hat jalike da pries guys, An I feel jalike da lady dat goin marry too, An wear all kine jewelry!

Isaiah 65:14

My worka guys goin yell plenny, Cuz dey stay good inside. But you guys goin cry plenny, Cuz you stay sad inside, An moan, cuz inside, you donno wat fo do.

Zefaniah 3:14

Zefaniah tell: “Eh! You peopo dat come Zion hill fo pray! Yell cuz you stay good inside! You Israel peopo! Yell out loud, Go all out fo dance an sing, You Jerusalem peopo!

Zekariah 9:9

Stay good inside, my Zion peopo! Yell, my Jerusalem peopo! Look! Yoa king stay come by you! He erytime do da right ting. He get you guys outa trouble! He make nice kine to erybody, An stay ride on top one donkey, even one young donkey.

Rome 13:14

But you know wat? Mo betta you change inside an come jalike Da One In Charge a us guys, dass Jesus Christ, da Spesho Guy God Wen Sen! An no even tink fo do wat da bad kine stuff inside you tell you fo do!

1 Peter 5:5

Same ting, you younga guys, lissen yoa older leada guys. Tink lidis: No get big head, cuz da Bible tell, “God stay agains da guy dat get big head, But he do plenny fo help da guy dat no mo big head.”

Jesus Show 19:8

God give da bride fancy linen kine clotheses fo wear, dat stay white an clean. (Da kine white an clean linen clotheses mean, all da good an right tings dat da peopo dat stay spesho fo God do.)

Local Leadas 5:31

Deborah tell: “Da One In Charge, I like all da guys dat stay agains you, come wipe out! But I like da peopo dat get love an aloha fo you, Come jalike da bright sun wen stay shine in da sky.” Den da peopo res, an no fight nobody fo forty year.