Songs 132:16 - Hawaii Pidgin Bible

¹⁶ I even goin make Da spesho kine clotheses Da pries guys wear, Fo make erybody no foget Dat I wen get um outa trouble. Da peopo ova dea Dat stay spesho fo God Goin sing plenny, Cuz dey stay real good inside.

Songs 132:16 ပူးပေါင်းရင်းမြစ်များ

2 Records 6:41

“An now, you oua God, Da One In Charge! Stan up! Go come inside dis place fo you res, You an da Box Fo No Foget Da Deal Dat show how strong you stay! An oua God, Da One In Charge, I like fo yoa pries guys Know fo shua you get peopo outa trouble. I like fo da peopo dat stay tight wit you Dance an sing cuz you good!

Songs 132:9

Us guys like peopo fo see, Dat even da kine spesho clotheses Yoa pries guys wear, Make erybody tink bout wass right! Us like da peopo dat stay spesho fo you Sing cuz dey stay real good inside!”

Songs 140:4

Eh! You Da One In Charge! No let da bad guys catch me! No let da guys dat like bus peopo up, Hurt me, Cuz dey make one plan fo take me down.

Isaiah 61:10

I stay feel plenny good inside cuz a Da One In Charge. I feel real good cuz a my God. Cuz jalike he give me clotheses fo wear Dat show he da One get me outa trouble, An jalike he give me one nice robe Fo show I get um right wit him. I feel jalike one guy dat goin get married An wear one fancy hat jalike da pries guys, An I feel jalike da lady dat goin marry too, An wear all kine jewelry!

Hosea 11:12

Da Efraim peopo stay bulai me all da time. Az da Israel peopo, an da way dey ack, I no trus dem. But da Judah peopo still hang out wit me, God, no matta wea dey go! Dey stay good wit me, Da One dat stay good an spesho,

Zekariah 9:9

Stay good inside, my Zion peopo! Yell, my Jerusalem peopo! Look! Yoa king stay come by you! He erytime do da right ting. He get you guys outa trouble! He make nice kine to erybody, An stay ride on top one donkey, even one young donkey.

John 16:24

Befo now, you guys neva go aks my Faddah fo do notting cuz you my guys. Go aks now, an you guys goin get um, fo you guys stay good inside to da max.

Galatia 3:27

All you guys dat get baptize fo stay tight wit Christ an come his guys, now you goin come jalike him.