Songs 132:14 - Hawaii Pidgin Bible

¹⁴ He tell: “Dis da place I goin stay foeva. I goin sit on top da throne an be da king, Cuz dis da place I wen like stay From long time befo time.

Songs 132:14 ပူးပေါင်းရင်းမြစ်များ

1 Kings 8:13

But now, I wen build Dis awesome Temple fo you, You can live inside dea, foeva!”

1 Kings 8:27

“But you know wat, God? How you goin make house Hea on top da earth, aah?! No can! You, mo big den da mos high part a da sky! Fo shua, no way you can live down hea Inside dis Temple dat I wen build!

1 Kings 9:3

Da One In Charge tell Solomon, “I wen hear wat you pray. I wen lissen wen you come in front me an beg me fo help you. Da Temple you wen build, I make um spesho fo me awready. I give da place my name foeva, cuz az da place wea can find out wat kine god me. An I goin watch dat place real good, an tink plenny bout um all da time.

1 Records 23:25

Cuz David wen tell, “Da One In Charge, da God fo da Israel peopo, make his peopo res. An he come fo live inside Jerusalem foeva.

Songs 132:8

Eh, Da One In Charge, All us guys like fo you go up An come inside da place dat stay dea, Fo you stay dea foeva, An we like da Box Fo No Foget Da Deal Come dea wit you, Da Box dat show how strong you!

Songs 135:21

Good fo erybody stan hea On top Zion Hill an tell Da One In Charge dat he good! Tell dat to da one dat live hea Inside Jerusalem town! All you guys! Tell good tings Bout Da One In Charge!

Songs 68:16

Wen you guys look from yoa mountains Dat get all kine pali, How come you guys come jealous Wen you look da small kine mountain Dat God like fo be his place fo stay, Da place Da One In Charge Pick fo stay dea foevas?

Songs 68:18

You wen go up to da mos high place. You wen capcha plenny prisonas. You wen take da presents Peopo bring you, Even da peopo Dat no like fo Yah live dea, Dass God, Da One In Charge!

Songs 76:2

Jerusalem, dass wea God stay, Inside his Temple on top Mount Zion.

Songs 87:2

From all da place wea da peopo live Dat get Jacob fo dea ancesta, Da One In Charge like Jerusalem town Mo den any odda place.

Isaiah 11:10

Dat time, dis wat goin happen: Goin get one new king stay come. He goin get King David blood, jalike David faddah ohana da root fo him, an him da new branch. Dat king, goin be dea jalike one flag, so all da diffren peopos goin know he dea, fo all da diffren peopos know fo go by him. Peopo inside all da countries goin aks him wat fo do. An da place he goin live goin be awesome.

Isaiah 12:6

Yell loud! Yell cuz you guys feel good inside, All you peopo dat live inside Jerusalem town! Cuz da Good An Spesho God fo da Israel peopo Stay wit all you guys, Az why you know he da greates!”

Isaiah 57:15

Da One In Charge, da One stay far away up dea Inside da sky, an real importan. He stay alive foeva. He stay good an spesho cuz dass wat kine god him. He tell: “I live inside da mos high place, Da place dat stay spesho fo me! But still yet, I stay live wit da one Dat feel all heavy inside, An know dat dey notting. Az cuz I like make da peopo dat know dey notting, An da ones dat feel heavy inside, Come strong inside.

Isaiah 66:1

Dis wat Da One In Charge tell: “Da sky, jalike one throne wea I sit down. Da earth, jalike one stool wea I put my feets on top. Wea da house you guys goin build fo me? Wea I goin res?

Isaiah 8:18

Look—I stay right hea wit da kids Da One In Charge wen give me. We jalike awesome kine signs inside Israel. Even oua names show Wat Da One In Charge, Da God Ova All Da Armies, goin do bumbye. He da One stay on top Mount Zion inside Jerusalem.

Joel 3:21

I neva punish da Egypt guys an da Edom guys, Da ones dat wen make my peopo bleed an mahke. But now I goin punish dem! Me, Da One In Charge, Goin live on top Mount Zion, My spesho place!”

Zefaniah 3:17

Yoa God, Da One In Charge, stay right dea wit you guys! He get plenny powa fo make you guys da winnas! He goin dance an sing bout you guys. He goin make you guys come so notting bodda you, Cuz he get love an aloha fo you guys. He goin yell, cuz he stay real good inside bout you guys!’ ”

Matthew 23:21

Whoeva swea to God an tell, ‘I swea by da Temple,’ he swea to da God dat stay inside da Temple.

Efesus 2:22

Plus, you guys stay tight wit Christ. Az jalike God wen build you guys togedda fo come one house wea his Spirit stay inside.

Hebrews 12:22

But you guys, wen God make da New Deal fo us guys come tight wit him, az jalike da time yoa ancesta guys go by him on top Zion Hill wea he stay. An Zion Hill, jalike da big town inside da sky wea da God Dat Stay Alive live, dass jalike Jerusalem Town. An jalike you guys go by da uku pile a angel guys dat come togedda fo party.

Jesus Show 21:23

Da town no need da sun o da moon fo shine on top um, cuz God stay awesome, an God light shine on top um, an God Bebe Sheep Guy jalike da lamp.