Songs 132:11 - Hawaii Pidgin Bible

¹¹ Befo time, Da One In Charge Make one strong promise to David, Da kine promise you can trus, An God no goin change his mind. He tell: “I goin put one king Dat goin come from you, David, On top da throne, Jalike wen you was in charge.

Songs 132:11 ပူးပေါင်းရင်းမြစ်များ

2 Samuel 7:12

Wen yoa time pau, an you sleep wit yoa ancesta guys, goin be one a yoa kids dat I goin make king afta you, one dat come from you. An I goin make him come strong an solid, fo stay king long time.

2 Samuel 7:14

I goin come jalike da faddah fo him, an he goin come jalike my boy. Weneva he jam up, I goin punish him, jalike any faddah guy punish his boy fo teach um.

2 Samuel 7:16

Yoa ohana goin stay solid foeva. Same ting fo da king guys in da line dat come from you. Da right you guys get fo be da king, goin stay solid foeva too.’ ”

1 Kings 1:48

Den he pray to God lidis: “I like tell good tings bout you, cuz you Da One In Charge, da God fo da Israel peopo. Today, you wen let one a my boys take ova da throne from me, an you wen let me see all dat happen!”

1 Kings 8:25

An cuz you Da One In Charge, da God fo da Israel peopo, An cuz you wen make dat kine promise, I like you fo do bumbye Jalike you wen make one promise fo do to my faddah David. You wen tell David, ‘I like yoa kids watch out how dey ack in front me Da same way you, David, wen live in front me. If dey do all dat, Den da kings from yoa blood line Goin get da right fo sit in front me On top da throne fo da Israel peopo foeva.’

2 Records 6:16

“You Da One In Charge, da God fo us Israel peopo. So now, I like you fo do eryting you wen promise yoa worka guy, my faddah David, fo do wen you make dis odda promise to him: ‘You erytime goin get one boy from yoa blood, fo sit on top da Israel throne—but ony if da kings dat goin come from you take kea how dey ack. Dey gotta make shua dey do eryting my Rules tell, jalike you David wen do.’

2 Records 7:18

If you do dat, den I goin make da guys from yoa blood stay da king fo dis land, fo shua, jalike I wen make one deal wit yoa faddah David fo do dat. Dat time, I tell um, ‘You goin get somebody from yoa blood fo be in charge a da Israel peopo erytime.’

Songs 110:4

Da One In Charge Make dis strong promise awready, An he no goin change his mind. He tell: “You, you stay one pries foeva fo me. Da same kine pries jalike Melkizedek.”

Songs 89:33

But still yet, I goin stay tight Wit David all da time. I no goin bulai him fo make um So he no can trus me.

Songs 89:35

I wen make one strong promise to David, An I goin do um, Cuz I stay good an spesho. An dat promise goin las foeva. No way I goin bulai David!

Songs 89:37

Dey goin be dea foeva in front me, Jalike da moon stay all da time Inside da clouds, Fo show dat I no change my mind.” (Time out fo da music.)

Songs 89:5

Eh! You Da One In Charge! Erybody inside da sky tell Dat da tings you do, stay awesome! Wen da ones dat stay spesho fo you Come togedda, Dey talk even mo plenny Bout how dey trus you fo erytime do Wat you tell you goin do!

Census 23:19

God, he not one guy. No way he tell he goin do someting, An den he no do um. He not da kine god goin tell someting, An den tink az mo betta he neva tell dat. Him, he talk, an den he do um. He make one promise, An he do wat he tell he goin do.

Luke 1:32

He goin be importan, An God goin call him ‘my Boy dat come from me, Da God Dass Mo Importan Den All Da Odda Gods.’ God Da One In Charge goin make him one king Jalike King David, his ancesta guy.

Jesus Guys 2:30

David was one guy dat talk fo God, an know dat God wen promise dis: ‘Bumbye I goin make one guy from yoa ohana come king jalike you.’

Hebrews 6:18

Wen God do dat, he do two tings dat no goin change eva. Numba One, he make one strong promise dat fo shua he goin do good tings fo us guys. Numba Two, he get da blame if he no do good tings fo us guys. An God no bulai nobody. He make dat promise cuz he like give us guys plenny good kine words. Dass fo us guys dat stay run to God fo get outa da bad kine stuff, fo us get da good kine stuff God wen promise he goin give us bumbye. We know he goin do dat, an we goin stay wait fo um.

1 Samuel 15:29

An da God fo da Israel peopo, dat stay awesome foeva, he no bulai nobody. He not one guy jalike us dat tell he goin do someting, an den he no do um.”