Songs 130:4 - Hawaii Pidgin Bible

⁴ But if peopo tell you fo let dem go An hemo dea shame, You let um go an hemo dea shame. Dass how come peopo Get choke respeck fo you.

Songs 130:4 ပူးပေါင်းရင်းမြစ်များ

2 Samuel 12:13

David tell Nathan, “Was real bad, dis ting I wen do agains Da One In Charge!” Nathan tell, “An Da One In Charge, he let you go awready fo da bad ting you wen do. You no goin mahke from dis.

Job 22:23

If you come back to Da God Dat Get All Da Powa an be his guy, An take eryting dat no stay right far from yoa tent, God goin build you up one mo time.

Songs 25:11

Eh! You Da One In Charge! Cuz you like erybody know Wat kine god you, Az why you let me go From all da bad kine stuff I wen do, An you hemo my shame too. Eh, get real plenny bad tings dat I wen do, you know!

Songs 86:5

You my Boss, an you get one good heart. You stay ready erytime fo let me go Fo da bad tings I wen do, You stay tight wit yoa peopo all da time, Wit da ones dat stay yell Fo you help um.

Isaiah 1:18

Da One In Charge tell: “Come, we go talk togedda bout dis ting. No matta all da bad kine stuff you wen do Look jalike one big red spot now, But dey goin come white jalike da snow. No matta now jalike dey stay dark red, Dey goin come white jalike da wool.

Isaiah 55:7

Fo da bad kine peopo, Da ones dat stay make trouble, Az good dey bag from da stuff Dey do befo time, An no tink bad kine stuff no moa. Mo betta dey turn back to Da One In Charge, Cuz he goin show pity fo dem. Wen dey turn back to oua God, He goin do plenny fo let dem go Fo wat dey wen do befo time, An hemo dea shame.

Jeremiah 31:34

One guy no need teach his fren O his braddah no moa, an tell um, ‘Know Da One In Charge.’ Cuz dey all goin know me, Da One In Charge, From da kine guys dass not importan, to da kine guys dass importan.” Az wat Da One In Charge tell. “Cuz I goin let um go fo da stuffs dey wen do wrong, An hemo dea shame fo all dat. I no goin even rememba da bad kine stuffs dey wen do.”

Daniel 9:9

God, you da Boss. You da One show pity an let us go, no matta us wen go agains you.

Hosea 3:5

An bumbye da Israel peopo goin come back an try fo know dea God, Da One In Charge, an dea king dat come from King David blood line. Dey goin shake cuz dey sked, an get choke plenny respeck fo me, Da One In Charge. An dat time I goin do plenny good kine stuff fo dem.

Jesus Guys 9:31

Dat time nobody bodda da peopo dat come togedda fo church all ova Judea, Galilee, an Samaria. Dey trus God mo an moa, an da Good An Spesho Spirit kokua dem. Mo an mo peopo trus da Good Stuff Bout Jesus. An eryting dey do, dey do um wit choke respeck fo God.

Rome 8:1

So den, God no goin punish da peopo dat stay tight wit Jesus Christ!

2 Corint 5:19

Wen Christ wen stay inside dis world, God wen use him fo help da peopo inside da world come pono wit God. Az why he no make dem get da blame fo da way dey wen jam up. An he wen tell us guys all dat fo us kokua all da odda peopo fo dem come pono wit him.

Efesus 1:7

No matta us guys broke da Rules from God, still yet Christ da One dat wen go bleed an mahke fo us. Christ cut us loose from da powa da bad kine stuff get ova us. He hemo oua shame cuz he like do plenny good kine stuff fo us, an cuz we stay tight wit him.

Colosse 1:14

Jesus da One wen cut us guys loose from da bad kine tings. He wen hemo da shame we get fo da bad kine stuff we wen do.

2 Timoty 2:19

But you know wat? Da stuff God stay do stay solid, jalike one building dat get one solid foundation undaneat an no can move, aah? An on top dat foundation, get one sign dat tell two tings. One side tell, “Da One In Charge, he know all his peopo!” An da odda side tell, “Whoevas tell, ‘I stay tight wit Da One In Charge a me,’ Dey betta not do someting dat not pono!”