Songs 13:3 - Hawaii Pidgin Bible

³ Eh! You Da One In Charge! You my God! Try look wass happening, an do someting fo me! Make me come strong one mo time, Cuz no good I jus mahke!

Songs 13:3 ပူးပေါင်းရင်းမြစ်များ

Ezra 9:8

“An jus now, you oua God, dass Da One In Charge a us, you wen help us plenny fo short time an do good tings fo us. You wen leave some a us guys fo stay alive, an let us come back to dis place dat stay good an spesho fo you. You even make us happy litto bit. No matta we ony slaves, you help us fo stay alive.

Songs 119:153

Try look at all da stuff Dat make me come sore inside, An get me outa trouble. Cuz I no foget da Rules you teach.

Songs 18:28

Eh! You Da One In Charge! Jalike you da One dat open da light fo me, Fo see how fo me live fo real kine. You da God fo me! You make me come alive inside, Jalike you open da light, No matta was dark inside me befo time.

Songs 25:19

Try look da guys dat stay agains me, Cuz get plenny a dem, An dey hate me real bad, Dey like bus me up jalike dey like kill me.

Songs 31:7

You stay tight wit me cuz I yoa guy, An dass how come I goin stay Real good inside. Cuz you wen see how I stay All sore inside, An you know da hard times I get.

Songs 5:1

Eh! You Da One In Charge! Try lissen wat I goin tell. Try tink how come I stay moan.

Songs 9:13

Eh! You Da One In Charge! Give me chance! Look how da guys dat stay agains me make me suffa! Bring me back up from da Mahke Peopo Place!

Jeremiah 51:39

Wen da Babylon peopo all stay amping out, Me, Da One In Charge, goin make one big party fo dem. An dea, I goin make dem come all piloot an wasted, Dey goin all pass out sleep foeva, An no wake up.” Az wat Da One In Charge tell.

Jeremiah 51:57

I goin make um come piloot—dea leada guys, Dea guys dat erytime know wat fo do, An dea govna guys, dea govmen guys, an dea army guys too. Dey all goin go sleep foeva, an no wake up.” Az wat da king tell, Da One dat get da name “Da One In Charge, da God Ova All Da Armies.”

Sad Song 5:1

Eh, Da One In Charge! No foget wat wen happen to us guys. Look! Shame, us guys!

Luke 2:32

He jalike one light Fo make yoa peopo come awesome, Da Israel peopo, An fo show all da odda peopos Inside da world Wat stay right.”

Efesus 5:14

God make da bad kine stuff come good, jalike da light make da dark kine stuff come jalike light too. Get one song dat tell: “Eh, you dat stay sleep, wake up! Go come back alive from mahke! Christ goin be da light fo you.”

Jesus Show 21:23

Da town no need da sun o da moon fo shine on top um, cuz God stay awesome, an God light shine on top um, an God Bebe Sheep Guy jalike da lamp.

1 Samuel 14:27

But Jonathan neva hear da kine kahuna dat his faddah wen put on top da army guys. He poke his stick fo walk inside da honey place. He eat some honey, an he smile cuz make him feel real good.

1 Samuel 14:29

Jonathan tell, “Wat my faddah wen do, put plenny presha on all oua peopo! See? I feel mo betta awready cuz I wen eat litto bit a dat honey.