Songs 13:2 - Hawaii Pidgin Bible

² I gotta worry bout all dis stuff, o wat?! An stay sad inside ery day?! Da guys dat stay agains me, Erytime dey goin win ova me, o wat?!

Songs 13:2 ပူးပေါင်းရင်းမြစ်များ

Nehemiah 2:2

So da King tell me, “Eh! How come now you get sad face?! Fo shua, you no goin get sick, aah? Gotta be, you stay sad inside.” Me, I come real sked.

Esther 7:6

Queen Esther tell, “Da guy dat hate us, he dis real bad guy Haman!” Den Haman come real sked in front da king an queen.

Job 10:15

If I do anyting bad, pooa ting me! Even if I do da right ting, I still no can show face. Cuz I get plenny shame An stay all bum out.

Songs 10:18

Wen da peopo dat no mo muddah an faddah yell fo help, An da peopo dat da oddas make any kine to, You goin stan up fo dem. You goin make lidis Fo da bad guys in da world No make nobody sked no moa!

Songs 116:3

Befo time I feel litto mo I goin mahke, Jalike get tight ropes Stay wrap aroun me. I wen feel jalike da Mahke Peopo Place Come on top me awready. I wen had it, cuz plenny trouble Come to me. An me, I stay sad inside.

Songs 17:9

So den da bad kine peopo Dat like wipe me out, no can. Get peopo dat stay agains me an like kill me. Dey come all aroun me.

Songs 31:18

Get peopo dat ack high makamaka kine, An tink dey mo betta den erybody. Dey no shame fo talk bad Bout da peopo dat do wass right. But dey erytime bulai. Mo betta dey shut up, Jalike somebody tie up dea mout.

Songs 38:17

But now, I ready fo fall down, An I stay sore all da time.

Songs 42:4

I spill my guts, Cuz I no foget how was befo time. Dat time, I wen go In front plenny peopo Fo bring dem by da Temple fo God, Wit erybody amping out Cuz dey stay real good inside. Had choke plenny peopo stay tell God “Mahalo plenny!” An all dem go togedda fo pray to him!

Songs 6:4

Eh! You Da One In Charge! Change yoa mind! No let me mahke! You erytime stay tight wit yoa peopo, So get me outa dis trouble!

Songs 7:2

If you no do dis, Dey goin rip me up an kill me, jalike one lion Dat drag me some place nobody can get me out.

Songs 74:10

God, how long mo dey goin Make us come shame, Da guys dat stay fight wit us?! Da guys dat come agains us, Dey goin talk bad bout you Fo give you one bad rep, o wat?!

Songs 74:18

Eh! You Da One In Charge! Try no foget dis— Da peopo dat stay agains you, Dey like make you come shame. Da stupid peopo dat tink You not importan, Dey talk bad bout who you.

Songs 8:2

Even da tings dat come Outa da mout a kids an small bebes, You use dat! You show you get da powa Fo handle da peopo dat stay agains you An hate you An like pay you back.

Songs 9:6

Dass why, da peopo dat stay agains me, Dey all come wipe out. Dea place fo live, gone awready, An no goin come back. You bus up dea towns, An nobody even rememba dea name.

Smart Guys 15:13

Wen you stay real good inside, Yoa face look nice too. But wen you stay sad inside, You lose fight.

Teacha 5:17

All dea life, dey stay in da dark. Dey stay futless, dey get hard time, an dey stay huhu.

Jeremiah 15:18

How come I still stay suffa? An how come my plenny sores no heal, an no like come good? You goin come Jalike one small stream Dat stay all dry up, o wat?! You goin come jalike one puka Dat no can trus fo get watta inside, o wat?!”

Jeremiah 45:3

“You tell, ‘Ho, man! I stay all jam up! Da One In Charge make me come mo an mo sore inside, so I stay hurt plenny! I stay real tired from moaning! I no can res!’ ”

Jeremiah 8:18

Jeremiah tell, “I real sad! No way I can come good from dat! Inside, I come weak.

Sad Song 1:5

Da peopo dat stay agains da Zion peopo inside Jerusalem come dea bosses. Now da bosses get one easy life! Da One In Charge make da Zion peopo stay sad inside, Cuz dey wen go agains him. Da Zion kids come prisonas an go far away. Dey stay prisonas fo da guys dat wen stay agains dem.

Sad Song 1:9

Dey get da blame fo da bad kine stuff dey do. Az jalike if one wahine get blood on her skirts from her time ery month, Cuz she no tink bout wat goin happen bumbye. Da Jerusalem peopo, dey no tink bout wat goin happen to dem Cuz a da bad kine stuff dey stay do! Da wahine fall down, an dey drop dea jaws. No mo nobody can make her feel mo betta. She tell, “Eh! You Da One In Charge! Try look da hard time us guys get! Cuz da peopo dat stay agains us win awready!”

Sad Song 5:20

So, how come you erytime foget us guys? How come you bag from us long time?

Matthew 26:38

He tell um, “Eh, you know, I stay real sad inside, jalike I goin mahke. Try no sleep—stay ova hea wit me.”

Luke 22:53

Ery day I wen stay inside da open lanai fo da Temple wit you guys, an you guys neva bus me. But dis yoa time. Dis da dark time, wen da Bad Guy Satan get powa fo do his stuff.”

John 16:6

I tell you guys dis stuff awready. Dass why you guys stay all sad an crying inside.

Rome 9:2

I tell you guys dis: Inside I stay plenny sore an I stay hurt all da time. I stay lidat inside cuz a how my peopo stay.

Philippi 2:27

Da guy was sick fo shua—he litto mo mahke. But God get pity fo him, an give him chance fo come good. An God get pity fo me too, so I no come all sore inside—eh, you know, I stay plenny sore inside awready.

1 Samuel 18:29

Den, wen David stay nea Saul, Saul come mo plenny sked den befoa. From dat time, Saul stay agains David all da time Saul stay alive.

1 Samuel 24:19

Wen one guy find da guy dat stay agains him, he no let him get outa dea okay, eva. I like Da One In Charge do good to you fo wat wen happen today, cuz was good dat you neva kill me.