Songs 13:1 - Hawaii Pidgin Bible

¹ Eh! You Da One In Charge! You goin bag from me foeva, o wat?! You goin stay huhu an look da odda way?!

Songs 13:1 ပူးပေါင်းရင်းမြစ်များ

Job 13:24

How come you hide yoa face? How come you ack jalike I agains you?

Songs 10:12

Eh! You Da One In Charge! Go fo broke! Eh God! Bus um up dem bad guys! No foget da peopo dat stay suffa!

Songs 35:17

Eh Boss! You ony goin look, O you goin do someting?! Wen dey attack me, Make me stay alive, Cuz I ony get dis one life, you know, An dey come afta me, jalike dey lions!

Songs 44:24

How come you no like Even look at us guys? How come you stay foget How plenny us guys hurt, An da hard time we get From odda peopos?

Songs 6:3

I all bus up inside, Cuz I sked plenny. Eh! You Da One In Charge! How long goin be lidis?!

Songs 74:1

Eh God! How come You wen dump us guys?! Goin be lidat all da time, o wat?! You stay real huhu wit us guys, Jalike smoke come outa yoa nose! An us, jalike da sheeps Dat live on top yoa land An you jalike da sheep guy Dat take kea us!

Songs 80:4

Da One In Charge, You da God Ova All Da Armies! How long you goin stay huhu An no lissen wen yoa peopo Pray to you?!

Songs 85:5

Goin be foeva dat you goin stay Huhu wit us guys, o wat? You goin go afta all da peopo Dat goin come from us guys bumbye Jus cuz you had it Wit da kine stuff us guys stay do, o not?

Songs 89:46

Eh! You Da One In Charge! How long you goin hide?! Foeva, o wat?! How long you goin stay huhu, Jalike one fire burning?

Songs 90:14

Ery day wen da sun come up, Let us guys know fo shua Dat you stay tight wit us! Den, all da time we goin live, We goin yell cuz we feel good inside.

Isaiah 59:2

So! How come you guys stay cut off from da God you pray to, Da One In Charge?! Az cuz you guys do bad kine stuff dat God goin punish you fo, az why! How come God no let you see his face An he no lissen?! Cuz you guys stay do bad kine stuff, az why!

Sad Song 5:20

So, how come you erytime foget us guys? How come you bag from us long time?

Rules Secon Time 31:17

Da time wen dat happen, I goin come huhu wit dem, an leave dem behind. I goin hide my face from dem, an I goin wipe dem out. Plenny trouble goin happen to dem an hard time goin come. Dat time, dey goin tell, ‘Fo shua, us guys get all dis bad kine stuff happen cuz oua God no stay wit us, aah?’