Songs 128:5 - Hawaii Pidgin Bible

⁵ I like Da One In Charge Do good tings fo you, Da One dat stay inside Da Temple on top Mount Zion All da time you stay alive! Wen good tings happen Fo da Jerusalem peopo, I like dat happen to you too!

Songs 128:5 ပူးပေါင်းရင်းမြစ်များ

Songs 118:26

Da pries guys tell: “Us guys like fo good tings happen To da one dat come hea Cuz Da One In Charge give um Da right fo come. Us pries guys dat stay hea Inside da Temple Fo Da One In Charge, Us like fo good tings happen To all you guys.

Songs 122:6

Tell God fo make eryting go good Fo da Jerusalem peopo. Tell dem, “I like fo da one Dat get love an aloha fo you guys Live so no mo worries.

Songs 134:3

Da One In Charge, he da One Wen make da sky an da world, An he stay on top Mount Zion. I like he do good tings fo all you guys.

Songs 135:21

Good fo erybody stan hea On top Zion Hill an tell Da One In Charge dat he good! Tell dat to da one dat live hea Inside Jerusalem town! All you guys! Tell good tings Bout Da One In Charge!

Songs 20:2

Da God dat stay inside da place dat stay spesho fo him, Inside Jerusalem, on top Mount Zion, I like him go help you. I like him make you stay strong.

Songs 20:3

I like God no foget all da sacrifices you wen make. I like fo him tink good bout all dose burn up kine sacrifices. (Time out fo da music.)

Isaiah 2:3

Den plenny peopos goin go dea an tell, “Come on. We go up da hill wea da Temple stay, Da Temple Fo Da One In Charge, da God Jacob pray to. He goin teach us guys wat he like us fo do, An we goin do um.” Wat Da One In Charge teach goin come from him, From Zion Hill inside Jerusalem town.

Isaiah 33:20

Check out Mount Zion! Dass da place we goin make Da spesho religious kine ceremony. You goin see Jerusalem town Goin come one place Wea you can res an no need worry. Goin be jalike one tent dat nobody goin move um Fo take um anodda place. No mo nobody goin pull up da stakes. Nobody goin broke da ropes.

Efesus 1:3

Good erytime fo tell how good God stay! He da God an da Faddah fo Da One In Charge a us guys, dass Jesus Christ. God erytime do good kine stuff fo us guys, cuz he put all kine good stuff inside us, an all dat come strait from wea God stay inside da sky. He put all dat inside us guys cuz us stay tight wit Christ.