Songs 128:3 - Hawaii Pidgin Bible

³ Yoa wife, inside yoa house, Goin be jalike one grape plant Dat give plenny grape. Yoa boys dat sit aroun yoa table, Goin be jalike da keikis Dat grow up aroun da olive tree.

Songs 128:3 ပူးပေါင်းရင်းမြစ်များ

Start 49:22

“Joseph! He goin get plenny peopo come from him Jalike he one tree branch dat get plenny fruit Ova dea wea da watta come outa da groun. Jalike he get branches wit leafs, Dat grow ova one wall.

1 Records 8:40

Ulam boys fight real good, an dey no sked fo use bow an arrow. Dey get one hundred fifty boys an grankids. All dese da boys dat come from Benjamin.

Songs 127:3

You know wat? Da One In Charge Give peopo kids, Jalike dey one gif from him. Da ones born from you, Az jalike he give you someting good.

Songs 127:5

Any guy dat get plenny boys lidat, He can stay good inside, Jalike one army guy Dat get one bag full a arrows! Bumbye, if get peopo Dat stay agains his kids, An dey poin finga dem In front da town leada guys, Da kids no goin come shame, Cuz dey pono!

Songs 144:12

Wen oua boys grow up, We like fo dem be Jalike plants dat grow good. We like fo oua girls come strong, Jalike da nice looking kine pos Dat da builda guys carve Fo da corna pos Aroun da king palace.

Songs 52:8

Me, wen I stay inside yoa Temple, God, I stay grow strong Jalike one olive tree. I stay trus you, God, Cuz I know you stay tight wit me Foeva an eva.

Jeremiah 11:16

“Me, Da One In Charge, befo time I make peopo know you, Cuz you jalike one strong olive tree Dat get good kine olives! But wit plenny noise jalike az one strong storm I goin burn dat tree, An da branches goin broke.

Ezekiel 19:10

“ ‘Yoa muddah jalike one grape plant inside yoa grape farm. She grow by da watta. She get plenny fruits an plenny branches Cuz get plenny watta ova dea.

Rome 11:24

You know, you peopo dass not Jew, you jalike one branch dat wen get hemo from one olive tree dat grow wild outside da farm. God wen graf you in da good olive tree, no matta dass not da tree wea you wen grow up firs time. Mo betta still yet fo da Jew guys, God goin graf um back in da same tree wea dey wen grow up da firs time.