Songs 128:1 - Hawaii Pidgin Bible

¹ All da peopo dat feel jalike dey sked Weneva dey come In front Da One In Charge, An dat live da way he like dem fo live, Dey can stay good inside.

Songs 128:1 ပူးပေါင်းရင်းမြစ်များ

2 Samuel 22:22

Cuz I wen make shua I do eryting da way Da One In Charge like fo me do, I neva do stuff dat no stay right, An I neva bag from my God.

Songs 103:1

I tink lidis: “Tell erybody dat Da One In Charge, He da One give me Da powa fo do eryting!” Eryting inside like tell Wat kine god him, Da One dat stay good an spesho!

Songs 103:13

Jalike one faddah guy Show choke plenny aloha fo his kids, Dass how plenny aloha Da One In Charge get Fo da peopo dat get respeck fo him!

Songs 103:17

But Da One In Charge, He stay tight wit his peopo From long time befo time, An till long time from now, Da ones dat get choke respeck fo him. Da peopo dat stick wit da deal God wen make, An no foget fo do Da tings he wen tell um fo do, He goin do wass right fo dem An fo dea kids an grankids too!

Songs 112:1

Eh you guys! Tell good tings Bout Da One In Charge! Anybody dat get choke respeck Fo Da One In Charge, An fo shua like do Wateva Da One In Charge tell um fo do, Dey goin stay real good inside.

Songs 115:13

Da One In Charge do good tings Fo da peopo dat feel sked Wen dey come in front him, No matta dey no stay importan, O dey stay importan, same ting.

Songs 119:1

Da kine peopo Dat nobody can poin finga dem An dat no go da wrong way, Cuz dey follow da Rules From Da One In Charge, Dose peopo can stay good inside!

Songs 119:3

An dey no do bad kine stuff. Dey live da way Da One In Charge Tell um fo live.

Songs 120:1

Da One In Charge, Weneva I get trouble, He da one I yell to fo help me. He lissen, an help me.

Songs 121:1

Erytime I look da mountains, I tink: Who goin help me?

Songs 122:1

My frenz wen tell me, “Eh, we go da Temple Fo Da One In Charge!” Dat make me stay good inside.

Songs 123:1

I look up fo pray to you. You, da King. Yoa throne Stay inside da sky.

Songs 124:1

Eh, you Israel peopo! Tell me Wat you tink wen happen— But dis neva happen— If Da One In Charge neva stay Oua side befo time, aah?!

Songs 125:1

Da peopo dat trus Da One In Charge, Dey stay solid all da time, Jalike Mount Zion, Dat no move an stay solid.

Songs 126:1

Wen Da One In Charge Bring back da prisonas From Babylon side to Mount Zion, All us guys feel Jalike az was one dream!

Songs 127:1

Poho da builda guys build one house, An Da One In Charge Not da one dat build um. Poho da security guard, Dat guard da town, An Da One In Charge Not da one dat watch um.

Songs 147:11

Dis wat make Da One In Charge Stay good inside: Wen peopo get choke plenny respeck Fo Da One In Charge, Fo dem feel jalike dey sked In front him, An wen dey wait fo him help dem, Cuz dey know he stay tight wit dem.

Songs 81:13

Bummahs! I like Fo my peopo lissen me, But dey no lissen! I like fo da Israel peopo do tings Da way I do um!

Luke 1:50

He give da peopo chance Dat show respeck fo him, From da granfaddas to da grankids.

Luke 1:6

Zekariah an his wife do da right tings da way God see um. Eryting Da One In Charge tell um fo do, an all da Rules From God, dey do um. An no mo nobody poin finga dem.

Jesus Guys 9:31

Dat time nobody bodda da peopo dat come togedda fo church all ova Judea, Galilee, an Samaria. Dey trus God mo an moa, an da Good An Spesho Spirit kokua dem. Mo an mo peopo trus da Good Stuff Bout Jesus. An eryting dey do, dey do um wit choke respeck fo God.

Rules Secon Time 28:3

He goin make good kine stuff happen fo you guys inside da towns an all ova outside da country side.

1 Tessalonika 4:1

So den, my braddahs an sistahs, get one mo ting I like tell you. Befo time, you guys wen learn from us guys how you suppose to ack fo make God stay good inside, jalike you guys stay do awready. Now us like aks you guys an beg you guys fo do um mo an mo still yet, cuz we all stay tight wit Da One In Charge, dass Jesus.