Songs 123:1 - Hawaii Pidgin Bible

¹ I look up fo pray to you. You, da King. Yoa throne Stay inside da sky.

Songs 123:1 ပူးပေါင်းရင်းမြစ်များ

1 Kings 8:30

I yoa worka guy, An I beg you fo lissen, Me an all yoa Israel peopo stay pray togedda Facing dis Temple. From da sky, Lissen to us, An hemo oua shame fo da bad tings us guys wen do!

Songs 11:4

But Da One In Charge, he stay inside da Temple dat stay spesho fo him. From da sky, Da One In Charge stay in charge a eryting. He watch wat erybody do. He check out all da peopo on top da earth.

Songs 115:3

Dis how stay wit oua God: He live inside da sky An he do wateva he like do.

Songs 120:1

Da One In Charge, Weneva I get trouble, He da one I yell to fo help me. He lissen, an help me.

Songs 121:1

Erytime I look da mountains, I tink: Who goin help me?

Songs 122:1

My frenz wen tell me, “Eh, we go da Temple Fo Da One In Charge!” Dat make me stay good inside.

Songs 124:1

Eh, you Israel peopo! Tell me Wat you tink wen happen— But dis neva happen— If Da One In Charge neva stay Oua side befo time, aah?!

Songs 125:1

Da peopo dat trus Da One In Charge, Dey stay solid all da time, Jalike Mount Zion, Dat no move an stay solid.

Songs 126:1

Wen Da One In Charge Bring back da prisonas From Babylon side to Mount Zion, All us guys feel Jalike az was one dream!

Songs 127:1

Poho da builda guys build one house, An Da One In Charge Not da one dat build um. Poho da security guard, Dat guard da town, An Da One In Charge Not da one dat watch um.

Songs 128:1

All da peopo dat feel jalike dey sked Weneva dey come In front Da One In Charge, An dat live da way he like dem fo live, Dey can stay good inside.

Songs 129:1

All you Israel peopo, tell dis to erybody: “From da time us guys Come one nation, All da time Peopo presha us guys plenny!”

Songs 130:1

I feel jalike I down inside da deep watta, Cuz a da trouble I stay in. An from dea, I yell fo you help me, Da One In Charge!

Songs 131:1

Eh! You Da One In Charge! I no mo one big head, I no ack high makamaka. I no try fo do big kine tings, O tings dat stay so awesome I no can handle.

Songs 132:1

Eh! Da One In Charge, No foget King David An how he wen suffa plenny.

Songs 133:1

Good, you know, Wen all da braddah guys Stick togedda jalike dey one. Dass goin make erybody Feel real good inside.

Songs 134:1

Tell Da One In Charge dat he good, Cuz he stay do good tings Fo all you guys dat work Fo him nite time Inside da Temple Fo Da One In Charge!

Songs 141:8

Eh! You Da One In Charge! You da boss guy fo me! I look at you fo help me. You da one dat can hide me An no let nobody kill me.

Songs 2:4

Da One In Charge, dat sit on top his throne inside da sky, He ony laugh! Da Boss Up Dea, he make fun a dem!

Songs 25:15

All da time, I tink bout Da One In Charge, An tell him fo help me. Cuz jalike get hunta guys dat like set up one trap fo me, An Da One In Charge, he da One dat hemo my feets outa dea nets.

Isaiah 57:15

Da One In Charge, da One stay far away up dea Inside da sky, an real importan. He stay alive foeva. He stay good an spesho cuz dass wat kine god him. He tell: “I live inside da mos high place, Da place dat stay spesho fo me! But still yet, I stay live wit da one Dat feel all heavy inside, An know dat dey notting. Az cuz I like make da peopo dat know dey notting, An da ones dat feel heavy inside, Come strong inside.

Isaiah 66:1

Dis wat Da One In Charge tell: “Da sky, jalike one throne wea I sit down. Da earth, jalike one stool wea I put my feets on top. Wea da house you guys goin build fo me? Wea I goin res?

Matthew 6:9

So, pray lidis, “ ‘God, you oua Faddah. You stay inside da sky. We like all da peopo know fo shua How good an spesho you stay, An show you plenny respeck.

Luke 18:13

But da guy dat colleck tax money wen stan up far away. He no even like look up to da sky, but he beat on his ches an tell, ‘God, I one guy dat wen do bad kine stuff. Give me chance!’ ”