Songs 121:3 - Hawaii Pidgin Bible

³ Da One In Charge, he take kea you, Fo you no fall down. He take kea you, an he no goin sleep.

Songs 121:3 ပူးပေါင်းရင်းမြစ်များ

Songs 127:1

Poho da builda guys build one house, An Da One In Charge Not da one dat build um. Poho da security guard, Dat guard da town, An Da One In Charge Not da one dat watch um.

Songs 41:2

Da One In Charge make shua Notting bad happen to dem! An make shua dey stay alive, An stay good inside, inside da Israel land! He no let da peopo dat stay agains dem Make any kine to dem!

Songs 55:23

But God, you goin throw down Da bad kine peopo Inside da deep hole fo mahke. Da kine guys dat like make peopo Bleed an mahke, An dat like bulai peopo, Dey goin live ony half dea life. But me, I stay trus you!

Songs 66:9

Cuz God, he da One dat make shua Us guys stay alive, He no let us fall down an mahke.

Songs 91:12

Jalike dey goin pick you up An carry you in dea hands Fo yoa feets no goin get bus up On da rocks.

Smart Guys 2:8

So God watch da way da peopo judge. God no let notting bad happen To da peopo dat stay tight wit him,

Smart Guys 3:23

Any place you go, you no need worry You goin bus yoa toe, notting.

Smart Guys 3:26

Cuz Da One In Charge, he goin be Da One you can trus, He goin watch you wea you walk Fo da trap no catch yoa feet.

Isaiah 27:3

Da One In Charge tell, “Me, Da One In Charge, I da One Stay take kea my peopo, Jalike da guy dat stay watch da grape plants An give um watta all da time. I take kea my peopo, day time an nite time, Fo make shua nobody jam um up.

1 Peter 1:5

You guys trus God, an he get plenny powa fo proteck you guys. He take kea you guys, an he no let nobody hemo you guys from him. Wen da las day come, he goin show how he wen get you guys outa da bad kine stuff you wen do.

1 Samuel 2:9

He goin take kea his spesho peopo, wea eva dey go! But da bad kine peopo, dey goin mahke An stay one dark place. “An if one guy come strong, Da powa dat he get, you know, Neva come from inside him. Come from Da One In Charge!