Songs 120:4 - Hawaii Pidgin Bible

⁴ God goin punish you guys. Jalike he hurt you Wit da sharp arrows da army guys use, An wit da red hot charcoal from da broom bush!

Songs 120:4 ပူးပေါင်းရင်းမြစ်များ

Songs 45:5

Sharp, da arrows you shoot! Dey go inside da hearts a da peopo Dat stay agains you, da king. Dey fall down an mahke Unda yoa feets.

Songs 52:5

But God, he goin smash you So you stay bus up all da time. He goin grab you An drag you outa yoa tent, Fo throw you In da Mahke Peopo Place, Jalike he pull out one plant Wit da roots fo kill um. (Time out fo da music.)

Songs 57:4

Weneva I go sleep, Da peopo dat stay agains me, Dey jalike lions all aroun me Dat like eat peopo, An get sharp teet jalike spears an arrows. Wen dey talk, jalike dey cut me Wit one sharp sword.

Songs 59:7

Look dem ova dea! Dey talk bad plenny. Da tings dey tell, Sharp jalike swords fo hurt peopo. But dey tink, “Eh! no mo nobody goin hear!”

Songs 7:13

God goin make ready da tings he use fo kill, An he goin light his fire arrows.

Smart Guys 11:12

Da guy dat talk bad bout anodda guy, He no tink befo he talk. But da guy dat undastan plenny, He goin keep his mout shut.

Smart Guys 11:18

Da kine peopo dat do bad kine stuff, Wat dey get fo dat, ony make dem look good. Da kine peopo dat make tings come right, Wat dey get fo dat, stay good fo real kine.

Smart Guys 11:9

Da kine pilau peopo dat stay agains God, Dey wipe out dea frenz Cuz dey tell all kine pilau stuff bout dem. Da kine peopo dat do wass right erytime, God take dem away from da place wea get trouble, Cuz dey know wat fo do.

Smart Guys 12:22

Da peopo dat bulai erytime dey talk, Dat kine stuff, Da One In Charge tell “Laytas” to. Da kine peopo dat he can trus wat dey do, Dat make him real happy.

Smart Guys 16:27

Da good fo notting kine guys, Dey like dig up bad kine stuff bout odda peopo. Den dey tell wat dey wen find out, An dat hurt da odda peopo, jalike fire dat burn!

Smart Guys 18:21

Da tings peopo tell Get da powa fo kill odda peopo, O fo make um come alive. Da kine peopo dat like fo talk plenny, Wateva dey tell, goin come back to dem.

Smart Guys 18:8

Wen peopo talk bad, Odda peopo like lissen wat dey goin tell, Az jalike dey stay eat candy! But wat dey hear, goin stay inside dem.

Smart Guys 19:5

Da kine guy dat bulai any kine in front da judge, Fo shua, da judge goin punish him! Da kine guy dat bulai all da time, No way he goin get away!

Smart Guys 19:9

Da kine guy dat bulai in front da judge, Fo shua, da judge goin punish him! Da kine guy dat bulai erytime he open his mout, He goin come wipe out!

Jeremiah 9:7

Az why dis wat Da One In Charge, da God Ova All Da Armies, tell: “Look! I goin tes dem Jalike wen peopo melt metal fo tes if stay good o no good. Dass da ony ting I can do! Cuz I get love an aloha fo my peopo. But dey wen go do plenny bad kine stuff!

Jesus Show 21:8

But da peopo dat no do notting cuz dey sked, da peopo dat no trus God, dat ack pilau kine, dat murda oddas, dat fool aroun somebody, dat do bad kahuna kine stuff, dat go down an pray to da idol kine gods, an erybody dat bulai somebody, dey goin go inside da lava lake dat stay burn wit sulfur. Dass wen dey mahke da secon time.