Songs 12:2 - Hawaii Pidgin Bible

² Da peopo talk real nice kine Fo bulai peopo, Dey tell one ting, But dey no mean dat.

Songs 12:2 ပူးပေါင်းရင်းမြစ်များ

1 Records 12:33

Zebulun guys dat go out fo fight, an stay ready fo war wit all kine stuffs fo fight, 50,000 guys dat go all out fo help David.

Songs 10:7

Dey put kahuna on top peopo, Dey bulai, Dey put presha on peopo. Dey ony mout, so pilau wat dey tell, Dey talk ony bout how fo do bad kine stuff.

Songs 116:11

Cuz I stay real bum out, I wen tell, “Erybody bulai, An I no can trus nobody!”

Songs 144:11

Da peopo from anodda place Stay attack me, So no let dem capcha me. Get me outa trouble. Wen dose peopo talk, No can trus wat dey tell. Wen dey put up dea right hand Fo make one promise, Dey ony bulai.

Songs 144:8

But dem, wen dey talk, No can trus wat dey tell. Wen dey put up dea right hand Fo make one promise, Dey ony bulai.

Songs 28:3

No drag me away jalike I one bad guy, Da kine guy dat erytime do bad kine stuff, Da kine guy dat talk with dea frenz jalike dey get aloha, But same time, dey tink dey like do bad tings to peopo.

Songs 38:12

Same time, da guys dat stay agains me Put up one trap fo catch me. Dey make one plan fo wipe me out. All day, dey figga how fo bulai me Fo kill me.

Songs 41:6

Dey come by me fo visit, But ony talk junk kine stuff. Dey like find out wen bad stuff Happen to me. Den dey go all ova da place Fo talk bout dat.

Songs 5:9

Dem guys, no can trus wat come outa dea mout. Inside, dey ony like wipe out peopo. Dey talk nice kine, But ony fo bulai you. You lissen wat dey tell, Jalike you goin fall down Inside one open grave an mahke.

Songs 55:21

Da tings he wen tell soun nice, But inside, he ony like beef. He talk nice kine, But da tings he tell, Jalike one sword fo stab me.

Songs 59:12

Wat come outa dea mout Show dey do bad tings. Cuz dey talk big an bulai, An try fo put kahuna on top odda peopo, Dey goin get trap fo dat.

Songs 62:4

Dem guys ony make plan Fo bring down dis guy Dat get one good rep. Erytime dey bulai somebody Make dem feel good. Wit dea mout, dey tell, “I like God do good tings fo you!” But inside, dey tink, “I like put kahuna on top you!” (Time out fo da music.)

Smart Guys 20:19

Anybody go aroun an talk any kine bout odda peopo, Dey tell all kine stuff dey not suppose to tell. Az why, no go hang out wit da kine guys Dat no can shut dea mout.

Smart Guys 20:6

Plenny peopo can tell you Dat dey yoa fren. But wen you try fo find somebody Dat you can trus all da time, No mo plenny peopo lidat.

Smart Guys 29:5

Wen you talk nice kine fo bulai anodda guy, Watch out! Jalike you put down one net Fo trap yoa feets!

Jeremiah 7:28

Az why you gotta tell um, ‘You Judah guys, da peopo dat no lissen yoa God, Da One In Charge. You guys no like learn notting wen he punish you fo make you go da right way. Fo you guys, no mo nobody tell da trut. You no even talk bout wass true!

Jeremiah 9:8

Wateva dey tell, az jalike one poison arrow Cuz dey bulai. Dey tell dea frenz, ‘I like eryting come good fo you,’ But inside, dey make plan fo jump um an kill um.

Ezekiel 12:24

Cuz no goin get bulaia kine dreams no moa. An wen da Israel peopo like fo find out from da odda gods wat goin happen, an dey like get da kine stuff dat peopo like hear, all dat no goin happen no moa.

Micah 7:2

Cuz no mo nobody ova hea inside da land Dat stay tight wit God. No mo nobody hea do da right kine stuff! Erybody like kill somebody. Dey even like set up dea braddahs, Jalike wit one trap fo wipe um out.

Rome 16:18

Dey no work fo Jesus Christ, Da One In Charge a us guys. Dey ony work fo get tings dat dey like ony fo dem. Dey talk nice kine to da peopo dat donno wat stay good an wat stay bad still yet. Dey tell dose peopo da kine stuff dey like hear fo bulai um.

1 Tessalonika 2:5

You guys know dat we neva eva talk real nice kine fo bulai peopo! Get peopo dat ack jalike dey not greedy, but dey greedy. But us guys, we not like dem. God know dass true!