Songs 118:7 - Hawaii Pidgin Bible

⁷ Da One In Charge, he stay back me up An help me. Wen Da One In Charge win Ova da peopo dat hate me, I goin see him do um.

Songs 118:7 ပူးပေါင်းရင်းမြစ်များ

1 Records 12:18

Den God Spirit take ova Amasai, da leada fo da thirty bestes army guys. He tell, “Us, yoa guys, David! Us stay tight wit you, Jesse boy! Us like eryting come real good fo you fo real kine, An same ting fo da guys dat help you win, Cuz yoa God help you.” So David take dem, an make dem da leadas fo his raida kine army guys.

Songs 112:8

Dat kine guy no come sked, Cuz inside he stay solid. He know dat he goin face Da ones dat stay agains him, An he goin be da winna.

Songs 54:4

But God! you da one dat stay help me. You da Boss dat hold me up Fo me no fall down an mahke.

Songs 54:6

I goin make one sacrifice fo you, Jus cuz I like do um. I goin sing bout wat kine god you, Cuz you good, Da One In Charge.

Songs 54:7

You get me outa All kine trouble awready, An I wen see awready wat you do Bout da peopo dat stay agains me.

Songs 55:18

Cuz God goin get me outa trouble Fo let me win dis war An no get hurt. He goin make eryting come good fo me, No matta get plenny peopo Dat like fight me.

Songs 59:10

Da God dat erytime stay tight wit me, He goin show up wea I stay Fo help me. Da peopo dat scope me out fo attack me, God goin let me see Wat he goin do to dem.

Songs 59:11

I no like fo you kill da bad kine peopo, Cuz if you jus kill um, My peopo goin foget wat wen happen. Mo betta you use yoa powa Fo make dose guys homeless, An den bring um down. You my Boss, an you da one Dat no let us guys get hurt Jalike you one shield fo us.

Songs 92:11

I see awready wat wen happen To da guys dat stay agains me. I hear awready wat wen happen To da bad peopo dat come fo fight me.

Isaiah 41:13

Cuz me, Da One In Charge, I yoa God. I da One stay hold yoa right hand, Da One stay tell you guys, ‘No sked! I goin help you.’