Songs 115:1 - Hawaii Pidgin Bible

¹ Eh! You Da One In Charge! No need fo somebody Tell good tings bout us guys. Mo betta, peopo tell good tings Bout wat kine god you! Cuz you da One dat do Awesome kine stuff! Cuz you stay tight wit yoa peopo, An you da kine God Dat us guys can trus.

Songs 115:1 ပူးပေါင်းရင်းမြစ်များ

Songs 138:2

I goin face da Temple Dat stay spesho fo you Wen I go down fo pray. Dis fo show you love an respeck. I goin tell good tings bout you, Cuz I know who you. Cuz you erytime stay tight Wit yoa peopo, An cuz us guys can trus you Fo do wat you tell you goin do. Dass cuz you do wat you promise fo do, An dass da mos importan ting Peopo know bout you.

Songs 61:7

I like fo da king Stay king foeva in front God! I like fo God make shua Notting bad goin happen to him. I like God stay tight wit him, An erytime do wat he tell he goin do.

Songs 74:22

Stan up an make shua erybody know How come you stay do Wat you stay doing! No foget how da stupid peopo Talk all day fo try Make you come shame.

Songs 96:8

Tell dis too: “Da One In Charge, We know wat kine god him, An he awesome fo shua!” Wen you go inside Da open lanai fo his Temple, Bring someting fo show You get respeck fo him.

Isaiah 48:11

I do all dis cuz a who me, Cuz no way I goin let peopo ack Like I not good an spesho. I da Awesome One, An I no goin let nobody tink Dat anodda god can do wat I do.”

Ezekiel 20:14

But cuz I get one good rep, az why I make shua da odda peopos aroun dem no give me one pilau name. Cuz dose odda peopos see wat I do, da time I bring da Israel peopo outa Egypt.

Ezekiel 36:22

“Az why you gotta tell da Israel ohana peopo dis: Dis wat Da One In Charge, da Boss, tell: I goin do all dis stuff, but not fo you Israel guys! But cuz a who me! I stay spesho, but you guys give me one bad rep wit da odda nations wea you guys wen go.

Ezekiel 36:32

Me, Da One In Charge, da Boss, jalike you guys know dat all dis good kine stuff I do, not fo you guys. I do um fo me! All you Israel ohana guys gotta come shame an lose face cuz a da way you guys live!

Daniel 9:19

“Boss, try lissen! Boss, hemo oua shame an let us go! Boss, try lissen, an do um! My God, cuz a who you, no wait! Cuz yoa big town an yoa peopo, dey carry yoa name!”

Micah 7:20

You goin hang in dea wit da Jacob ohana peopo, An stay tight wit da Abraham ohana peopo, Jalike you wen make one strong promise to oua ancesta guys fo do, Long time befo time.”

John 1:17

Moses wen give oua ancesta guys da Rules From God. Den Jesus Christ, God Spesho Guy, he do plenny good stuff fo us, an eryting he tell us bout God, stay fo real.

Efesus 1:6

God like his kids fo tell how awesome all da good kine tings he stay do fo us. God do good tings fo us cuz we stay tight wit Christ, an God get plenny love an aloha fo Christ.

Joshua 7:9

Da Canaan peopo an da odda peopo inside da land goin hear bout dis, an dey goin make one circle aroun us an wipe us out. Den us no goin be no moa! Den wat you goin do fo show peopo dat you get powa?”