Songs 113:5 - Hawaii Pidgin Bible

⁵ No mo nobody jalike Da One In Charge, Da One dass da God fo us guys! He get his throne ova eryting,

Songs 113:5 ပူးပေါင်းရင်းမြစ်များ

Songs 103:19

Da One In Charge, He wen put his throne inside da sky, An he da One dat stay in charge A eryting an erybody!

Songs 11:4

But Da One In Charge, he stay inside da Temple dat stay spesho fo him. From da sky, Da One In Charge stay in charge a eryting. He watch wat erybody do. He check out all da peopo on top da earth.

Songs 35:10

I go all out fo tell: “Eh! You Da One In Charge! No mo nobody jalike you! Da peopo dat no mo powa, You get um outa trouble From da ones dat mo strong den dem. Da peopo dat no mo notting, You get um outa trouble From da ones dat like steal dea stuff.”

Songs 89:6

Da One In Charge, no mo nobody Inside da sky dat stay like you! Even from da good spirits inside da sky, No mo nobody stay like you.

Songs 89:7

Eh God, wen da ones dat stay spesho Fo you come togedda, You so awesome, dat dey all come sked! You mo skery den all da ones Dat stay aroun you!

Songs 89:8

Eh! You Da One In Charge, You da God Ova All Da Armies. No mo anodda god Dass strong jalike you! Erybody know fo trus you bout eryting Cuz you erytime do Wat you tell you goin do.

Songs 89:9

You da one dat tell da ocean waves Fo come big An wen da waves come big, You calm um down.

Outa Egypt 15:11

“Eh! You Da One In Charge! From all da gods dat get, No mo nobody jalike you! No mo nobody stay awesome jalike you, Da way you stay good an spesho Wen you do stuff az real awesome An awesome an unreal fo us!

Isaiah 16:5

Dat time, goin get one new king Dat goin stay tight wit his peopo. Dat king, goin come from King David ohana, An da peopo goin trus him. He goin be da judge, An he goin work hard fo judge erybody da right way. He no goin wase time notting Fo make shua eryting dat happen stay pono.

Isaiah 40:18

“If you guys like tell, ‘God, he jalike one guy,’ Den, who dat guy?! No moa! If you goin tell he look jalike someting, Den, wat da ting you guys tink he look jalike, Fo you look at him an da ting, togedda?! No moa!

Isaiah 40:25

“Da Good An Spesho God tell dis: ‘If you guys like tell, “God, he jalike one guy,” Den, who da guy Dat you tink I jalike him?! No moa!’ Az wat da Spesho One tell.

Isaiah 57:15

Da One In Charge, da One stay far away up dea Inside da sky, an real importan. He stay alive foeva. He stay good an spesho cuz dass wat kine god him. He tell: “I live inside da mos high place, Da place dat stay spesho fo me! But still yet, I stay live wit da one Dat feel all heavy inside, An know dat dey notting. Az cuz I like make da peopo dat know dey notting, An da ones dat feel heavy inside, Come strong inside.

Jeremiah 10:6

Da One In Charge, no mo nobody stay jalike you. You da bestes! Wen peopo know wat kine god you, Dey know you strong an can do awesome kine stuff!

Rules Secon Time 33:26

“No mo anodda god like da God fo Jeshurun, Az da Israel peopo dat stay do wass right, He ride from one side a da sky to da odda side Fo help you guys. He ride jalike da clouds one war wagon fo him Cuz he awesome.