Songs 113:3 - Hawaii Pidgin Bible

³ All ova, from da place da sun come up To da place da sun go down, Good fo tell how good Da One In Charge stay!

Songs 113:3 ပူးပေါင်းရင်းမြစ်များ

Songs 18:3

Da One In Charge, he good, An az good fo erybody tell dat he good! An wen I yell fo him help me, He da One get me outa trouble From da peopo dat stay agains me!

Songs 48:10

Eh God, get peopo Inside da mos far place On top da earth, Dat know wat kine god you, An dat tell dat you da greates. You get da powa Fo do da right ting erytime.

Songs 50:1

Da God Wit All Da Powa, Da One In Charge, he tell dis. He tell da peopo From all ova da world Fo come by him, From da place wea da sun come up, To da place wea da sun go down.

Songs 72:11

I like fo all da king guys Go down in front him. I like fo all da nations Stay his worka guys.

Songs 86:9

You my Boss! You wen make All da diffren peopos. Dey all goin come by you An go down in front you. Dey show choke respeck fo you. Cuz dey know wat kine god you.

Isaiah 24:16

From da mos far places on top da earth We hear peopo sing, “Da peopo dat do da right ting erytime, Dey look real good!” But me, I tell dis: “Bummahs! Jalike I stay come wipe out! Cuz get peopo, I no trus dem. Dey tell, dey stay my side. But wen I wen trus dem, Dey trick me.

Isaiah 49:13

“Erybody inside da sky, Yell cuz you stay feel good inside! An you peopo all ova da world, You stay feel good inside too! Erybody inside da mountains, Yell an sing! Cuz Da One In Charge give good kine words Weneva his peopo stay feel sore inside, An he show love an pity Fo da peopo dat stay suffa.”

Isaiah 59:19

Da peopo from da west side, Dey goin get respeck fo Da One In Charge Wen dey find out wat kine god him. From da east side, wea da sun come up, Dey goin get respeck fo him Wen dey see how awesome he stay. Wen Da One In Charge come, Goin come jalike one flood inside one small gulch, An wit one strong wind from Da One In Charge Dat goin make um move fas.

Habakkuk 2:14

Cuz jalike da watta fill up all da oceans, All da peopo dat fill up da world goin know How awesome me Da One In Charge stay!

Malakai 1:11

“All ova, from wea da sun come up to wea da sun go down, all da peopos know I get one importan name. Dey bring stuff fo make sacrifice cuz dey know wat kine god me, an dey bring incense an da kine gifs dat no mo notting wrong wit dem. Dass cuz da diffren peopos dat know who me, dey know I importan.” Dass wat Da One In Charge, Da God Ova All Da Armies tell.

Jesus Show 11:15

Den da numba seven angel guy blow his trumpet. Had real loud voices come from da sky. Dey tell, “Now da time! God an his Spesho Guy Christ get da powa Fo take ova an be King ova all da peopos inside da world. Dey goin lead da peopo foeva an eva!”