Songs 112:9 - Hawaii Pidgin Bible

⁹ Da good kine peopo Stay give good kine stuff To da pooa peopo all ova da place. An cuz dey do da right ting erytime, Good tings goin happen to dem foeva. Peopo goin respeck dem, An cuz a dat, dey goin come Mo an mo strong.

Songs 112:9 ပူးပေါင်းရင်းမြစ်များ

Songs 111:3

Da kine tings Da One In Charge stay do, Show how awesome him, An how plenny respeck Peopo get fo him. He erytime stay do Da right ting fo peopo.

Songs 112:3

Dea ohana get plenny stuff, an dey rich. An cuz dey do da right ting erytime, Good tings goin happen to dem All da time.

Songs 75:10

God tell: “Da peopo dat stay do bad kine stuff, I goin take away all dea powa. Da peopo dat stay do wass right, I goin give dem plenny mo powa.”

Songs 92:10

You wen make me come real strong, Jalike da big wild bulls. You give me one haku lei fo my head, Fo show you get aloha fo me.

Songs 92:11

I see awready wat wen happen To da guys dat stay agains me. I hear awready wat wen happen To da bad peopo dat come fo fight me.

Smart Guys 14:24

Da peopo dat know wat fo do erytime, Da stuff dey get, show dey know wat dey stay do. Da stupid head kine peopo wit attitude, Da stupid kine stuff dey do, show dey stupid.

Smart Guys 19:17

You do good kine stuff Fo da peopo dat no mo notting, Jalike you stay lend stuff to Da One In Charge. An Da One In Charge goin pay you back wit good kine stuff Fo wat you do.

Smart Guys 21:26

All day, dey greedy fo get stuff. But da guys dat do wass right erytime, Dey give away stuff an no hold back.

Teacha 11:6

Plant yoa seeds morning time. Evening time, no stop work. Cuz you donno if da morning stuff goin come good, O da evening stuff, O if da two goin come good.

Teacha 3:6

One time fo look fo someting An one time fo give up look fo someting. One time fo keep An one time fo throw way.

Isaiah 32:8

But da guys dat get one good heart fo help peopo, Dey make one real kine plan fo help um. Dey stay solid, Cuz dey plan fo do good tings.

Isaiah 58:10

An you guys betta go all out Fo help da hungry peopo, An take good kea da peopo dat get hard time! Den, if you guys make lidat, Peopo goin get life, No matta get bad kine stuff happen all aroun. Jalike you guys stay give one light dat shine Wen eryting stay dark, Fo make da dark places get light all ova, Jalike noon time!

Isaiah 58:7

Wen you guys no eat food so you can pray, Share yoa food wit da hungry peopo! Da peopo dat no mo notting an homeless, Bring um wea dey can live! Wen you see peopo dat no mo clotheses, Give um clotheses! An no go hide Wen yoa ohana guys need fo you help um!

Matthew 6:4

Den nobody goin know dat you give money. But yoa Faddah, he can see wat da odda guys no can see, an he goin give you plenny fo dat.

Mark 14:7

Erytime goin get peopo dat no mo notting stay wit you guys, an you can help dem weneva you like. But I no goin stay wit you guys erytime.

Luke 11:41

Give stuff to da peopo dat no mo notting from da stuffs you get, an you know wat? Eryting goin come okay fo you guys, da way God see you.

Luke 12:33

Sell eryting you get an give da money to da peopo dat no mo notting. Get da kine money bag dat no goin get puka. Make shua you get da importan kine stuff from God inside da sky, dat stay foeva. Da steala guy no can steal um ova dea, an da bugs no can eat um up.

Luke 16:9

“I tell you, you guys go use yoa dirty money fo make frenz. Den bumbye, wen da time come dat eryting come hamajang, God goin tell you guys ‘E komo mai, come inside!’ inside his place dat stay foeva.

Luke 18:22

Wen Jesus hear dat, he tell him, “Ony one mo ting you neva do dat you gotta do. Go sell all da stuffs you get, an give da money to da peopo dat no mo notting. Den garans you goin get plenny good kine stuffs inside da sky. Den come wit me fo be my guy.”

John 13:29

Some a Jesus guys tink dat Jesus tell Judas, “Go get wat we need fo da Passova,” o “Go give someting to da peopo dat no mo notting.” Dey tink lidat cuz Judas stay in charge a da money fo all da guys.

Jesus Guys 20:35

I do all dat fo show you guys dat by dis hard work, we gotta help da guys dat no stay strong inside. I no foget wat Da One In Charge, Jesus, wen tell, ‘Da guy dat give, he stay mo betta inside den da guy dat get.’ ”

Jesus Guys 4:35

an give da money to da guys Jesus wen sen all ova. An den dose guys give da money to da peopo dat need um, litto bit o plenny.

Rome 12:13

Use wat you get fo kokua da peopo dat stay spesho fo God wen dey need kokua. Wen peopo from anodda place come by you, make shua you take kea dem wit aloha.

2 Corint 8:9

You guys know dat Da One In Charge a us guys, Jesus Christ, wen do plenny good tings fo you guys. Befo time he was rich, but he wen come pooa fo help you guys fo come rich.

Rules Secon Time 15:11

Erytime, goin get some peopo dat no mo notting inside da land. Az why I tell you guys fo get one good heart fo give stuff to yoa braddah guys wen dey no mo powa an dey need plenny inside yoa land.

Rules Secon Time 15:14

Give um plenny from yoa animals, yoa wheat an barley, an yoa wine. Give um, jalike yoa God, Da One In Charge, give plenny to you guys.

Rules Secon Time 24:13

Give him back his coat befo da sun go down ery day, fo him sleep inside um. Den he goin tell you “God goin do good tings fo you,” an yoa God, Da One In Charge, goin know dat you wen do someting good.

1 Timoty 6:18

Tell da rich peopo fo do good kine stuff, fo do plenny good kine tings fo odda peopo, fo like share dea stuffs, an fo kokua da peopo.

Hebrews 13:16

No foget fo do good tings fo odda peopo. Give dem wat dey need from yoa stuffs. Cuz dass jalike you stay make one sacrifice dat make God stay good inside.

Hebrews 6:10

God, he erytime do da right ting. Az why he no goin foget how plenny you guys wen work fo him, an how you guys wen show him love an aloha cuz you know who him. An you guys wen kokua God spesho peopo, an still yet you guys stay kokua dem.

Jesus Show 22:11

So whoeva like do da wrong kine stuff, let um stay do da wrong kine stuff. Whoeva like do pilau kine stuff, let um still do pilau kine stuff. Whoeva like do da right kine stuff, let um stay do da right kine stuff. An whoeva stay spesho fo God, let um stay spesho fo God.”

1 Samuel 2:1

Den Hannah pray lidis: “Da One In Charge make me feel real good inside. Cuz a all da stuff he wen do, az why I stay feel lidat now! An now I real strong so I no need worry notting. An I no shame fo face da peopo dat stay agains me an talk big agains dem. Cuz you da One dat get me outa trouble, I stay good inside!

1 Samuel 2:30

“ ‘Me, Da One In Charge, da God fo da Israel peopo. Az why I tell you dis: I wen make one promise dat yoa ohana, an yoa ancesta Aaron ohana, goin live in front me foeva. But cuz me Da One In Charge, I tell you dis too: No way goin be how stay now! Cuz da peopo dat show respeck fo me, I goin show respeck fo dem. But da peopo dat make to me jalike I notting, I goin put kahuna on top dem!