Songs 112:6 - Hawaii Pidgin Bible

⁶ Fo dat kine guy, no mo notting Goin throw him off. Fo anybody dat do da right ting erytime, Peopo no goin foget dem foeva.

Songs 112:6 ပူးပေါင်းရင်းမြစ်များ

Nehemiah 13:22

I tell da Levi ohana guys fo make da sacrifices fo dem work fo God, den come an be security guards by da gates fo make shua da Res Day stay spesho fo God. Eh my God, try no foget dis ting I wen do, an tink good bout me! Let me go, an no hurt me, Cuz you stay tight wit yoa peopo foeva!

Nehemiah 13:31

I make shua dat da peopo bring da pries guys wood fo burn da sacrifices, wen dey suppose to make one sacrifice. I make shua dey get da bestes stuff dat da peopo harves from wat dey wen plant. Eh my God! No foget me! Do good tings fo me.

Songs 125:1

Da peopo dat trus Da One In Charge, Dey stay solid all da time, Jalike Mount Zion, Dat no move an stay solid.

Songs 15:5

Dey no charge extra interes Wen dey lend money. Dey no take dirty money From somebody dat like hurt one guy Dat neva do notting bad.” Dass wat God tell. Dat kine peopo, dey da ones Dat goin stan solid foeva!

Songs 55:22

All da stuff dat bodda you guys, Turn um ova to Da One In Charge. He goin make shua you can handle. Da peopo dat stay do wass right, He no goin let dem Come all weak, eva, Fo dem no stan up.

Songs 55:23

But God, you goin throw down Da bad kine peopo Inside da deep hole fo mahke. Da kine guys dat like make peopo Bleed an mahke, An dat like bulai peopo, Dey goin live ony half dea life. But me, I stay trus you!

Songs 62:2

He da ony one dat stay Jalike one big rock wea I can hide, An he get me outa trouble. He jalike one strong wall fo me. Nobody goin make me Fall down real hard.

Songs 62:6

He da ony one dat stay Jalike one big rock wea I can hide, An he get me outa trouble. He jalike one strong wall fo me. Nobody goin make me Fall down real hard.

Smart Guys 10:30

Da guys dat stay do da right ting, Dey goin live on top dea land all da time, No can throw dem out. But da guys dat stay do bad kine stuff, Dey no can stay.

Smart Guys 10:7

Wen you rememba all da good peopo Dat you know from long time, Make you feel good inside. But da bad peopo, dey get pilau name So you no like even tink bout dem.

Hebrews 6:10

God, he erytime do da right ting. Az why he no goin foget how plenny you guys wen work fo him, an how you guys wen show him love an aloha cuz you know who him. An you guys wen kokua God spesho peopo, an still yet you guys stay kokua dem.