Songs 112:5 - Hawaii Pidgin Bible

⁵ Wen somebody do good tings fo peopo An lend stuff to dem, Good tings goin happen fo dat guy. He no goin bulai nobody Jus fo make money.

Songs 112:5 ပူးပေါင်းရင်းမြစ်များ

Nehemiah 4:13

Az why I put peopo, one ohana fo ery place, behind da low places wea da wall no stay fix yet, wit swords an spears an bows an arrows.

Songs 37:21

Da peopo dat do bad kine stuff, Wen dey borrow money from you, Dey no pay you back. Da guys dat do wass right, Dey like give stuff to peopo Fo kokua dem.

Smart Guys 12:2

Da good kine peopo, Da One In Charge get one good heart fo dem. Da kine peopo dat tink all da time Bout how dey can do bad stuff to peopo, God, he da judge, he goin punish dem.

Smart Guys 17:18

Da kine guy dat no mo brain, He shake hand wen he make one deal, An make one promise fo pay Eryting dat some odda guy owe.

Smart Guys 18:9

Anybody stay lazy Wen he gotta do da work he suppose to do, He jalike one braddah To da guys dat go aroun bus up eryting.

Smart Guys 2:20

“I stay tell you dis, So den you goin make same jalike da good kine peopo. An jalike da peopo dat stay do da right ting, You goin stay on da same way an hang in dea.

Smart Guys 24:27

Make ready all da outside kine work you gotta do, An make da field ready fo plant. Afta dat, go build yoa house.

Luke 23:50

Had one guy name Joseph. He one a da National Council guys. He good an erytime do da right ting.

Luke 6:35

No way! Get love an aloha fo da peopo dat stay agains you, an do good tings fo dem, an lend um stuff, an no figga you goin get um back! Cuz da God Dass Mo Importan Den All Da Odda Gods, he erytime do good tings fo da peopo dat no tell him ‘Mahalo plenny!’ an da peopo dat do real bad kine stuff. If you make jalike God, dat show he you guys Faddah, an you his kids. An bumbye, God goin give you guys plenny good kine stuff bumbye in da sky cuz a dat.

John 6:12

Wen erybody get enuff fo eat, Jesus tell his guys, “Go get all da lefovas. No good wase um.”

Jesus Guys 11:24

Barnabas, he one good guy. Da Good An Spesho Spirit stay in charge a him, an he stay trus Da One In Charge plenny. An cuz a him, get plenny mo peopo dat trus Jesus, Da One In Charge.

Rome 12:11

Wen time fo work hard, no be lazy. Make shua you go all out wen you work fo Da One In Charge.

Rome 5:7

Eh you know, nobody goin mahke fo one guy dat ony do right kine stuff! If get one guy dat erytime get one good heart, maybe bumbye somebody go mahke fo help dat kine guy.

Efesus 5:15

So den, watch out how you guys ack. Be shua you erytime know wat fo do. No make jalike peopo dat donno notting.

Philippi 1:9

So den, dis how I pray: “God, help da Philippi peopo fo get mo an mo love an aloha. Den dey goin undastan plenny, an figga wass good an wass bad.

Colosse 4:5

Wen you guys stay aroun peopo dat no trus God still yet, try figga firs, da way you guys ack aroun dem. Erytime you guys get chance, tell um bout Christ.