Songs 112:4 - Hawaii Pidgin Bible

⁴ Fo da peopo dat do wass right, An give odda peopo chance, an pity dem, An do da right ting, God get dat kine peopo outa trouble, Jalike wen stay dark all aroun, Da light come out.

Songs 112:4 ပူးပေါင်းရင်းမြစ်များ

Job 11:17

Den all yoa life goin stay good, Jalike wen da sun shine noon time. Even da dark tings goin come bright jalike morning.

Job 22:28

Wat you make up yoa mind fo do goin happen fo you. An da light goin shine on top wat you do.

Job 29:3

Dat time, jalike God make his light shine on top me, An I go thru dark places cuz he give me light!

Songs 106:1

Eh you guys! Tell good tings Bout Da One In Charge! Tell good tings bout Da One In Charge, Cuz he good, An he stay tight wit his peopo all da time!

Songs 116:5

Da One In Charge, he like give peopo chance, An he erytime do wass right fo dem. Oua God, he erytime get pity fo dem.

Songs 145:17

Da One In Charge, eryting he do, He do wass right. An no matta wat he do, He stay tight wit eryting he make.

Songs 37:6

He goin shine da light On eryting you stay do dass right Fo make shua erybody know dis. An God goin show you do da right ting In front him, da judge. An dass jalike wen can see eryting Real good wen da sun stay strong.

Songs 97:11

God do good tings Fo da peopo dat get um right wit him, God make um shine bright. Da peopo dat do wass right, God make um stay real good inside.

Smart Guys 21:21

Whoeva go all out fo come Da kine guy dat do wass right erytime, An dat stay tight wit his ohana, Long time he goin live, An peopo goin do good tings fo him, An show um choke respeck.

Isaiah 50:10

If one a you guys feel sked Wen he go in front Da One In Charge, An he lissen wat I tell, Cuz I da guy dat work fo Da One In Charge, Den, wen dat kine guy walk inside one dark kine place Wea no mo light, He goin trus Da One In Charge, Cuz he know wat kine god him, An he goin let his God take kea him.

Isaiah 58:10

An you guys betta go all out Fo help da hungry peopo, An take good kea da peopo dat get hard time! Den, if you guys make lidat, Peopo goin get life, No matta get bad kine stuff happen all aroun. Jalike you guys stay give one light dat shine Wen eryting stay dark, Fo make da dark places get light all ova, Jalike noon time!

Isaiah 58:8

“Den, wen dass how you ack, Goin be jalike wen da sun come up— Erybody goin see Dat you guys get life from me, Da One In Charge. All da place you get cut an scratch, New skin goin grow dea real quick. Cuz you stay do da right ting erytime You goin know wea fo go. An cuz Da One In Charge stay awesome He no goin let nobody come from behind you fo hurt you.

Malakai 4:2

But fo you guys dat feel real sked Wen you tink bout wat kine god me, Erybody goin see fo real kine wat stay right, Jalike wen da bright sun come up An you can see eryting mo clear. An dass goin make all you guys feel good. Den, you guys goin run aroun an jump, Jalike wen peopo let da bebe cows outa da pen!

Luke 6:36

Give chance jalike yoa Faddah give chance.

John 12:46

I wen come inside da world fo da peopo know da trut, jalike me da light fo dem. An whoeva trus me, dey goin know da trut. Dey no goin stay jalike dey dark inside an donno notting.

Efesus 4:32

Mo betta make nice nice to each odda. Show pity an aloha to each odda. Let each odda go, jalike God let you guys go cuz a wat Christ wen do.

Efesus 5:15

So den, watch out how you guys ack. Be shua you erytime know wat fo do. No make jalike peopo dat donno notting.

Efesus 5:9

Cuz dose peopo dat get dat kine light from God inside dem do good kine stuff, da right kine stuff, an dey stick wit da trut.

1 John 2:29

You guys know dat God Spesho Guy erytime do da right ting. Dass how you guys know dat erybody dat do da right ting, dey God kids.

1 John 3:10

Dis wat show who God kids an who Satan kids: whoeva no do wat stay pono, dey not God kids. Whoeva no mo love an aloha fo dea braddah an sistah, dey not God kids too!

1 John 3:7

My good frenz, no let nobody bulai you guys. Whoeva stay do da right kine tings, dey stay right, jalike Christ stay right.