Songs 112:1 - Hawaii Pidgin Bible

¹ Eh you guys! Tell good tings Bout Da One In Charge! Anybody dat get choke respeck Fo Da One In Charge, An fo shua like do Wateva Da One In Charge tell um fo do, Dey goin stay real good inside.

Songs 112:1 ပူးပေါင်းရင်းမြစ်များ

1 Kings 18:3

Wen Elijah stay on da road fo go Samaria side, King Ahab tell his worka guy Obadiah fo come by him. (Obadiah stay in charge a Ahab palace, an he one guy dat get awesome respeck fo Da One In Charge.

Songs 111:1

Eh you guys! Tell good tings Bout Da One In Charge! Weneva da peopo dat stay do wass right Come togedda, I goin go all out fo tell How awesome Da One In Charge stay.

Songs 111:10

If you come sked wen you tink Bout who Da One In Charge, Cuz you get plenny respeck fo him, Den you ready fo start Fo learn wat fo do. Erybody dat stay do Wat Da One In Charge tell um fo do, Dey can undastan stuff fo real kine. Good, dat erybody tell all da time Dat Da One In Charge, he da greates!

Songs 119:14

Da way you teach me wat fo do, Make me stay real good inside. Az wat make me feel good, Mo den all da rich kine stuffs.

Songs 119:143

I get plenny trouble An stay plenny sore inside. But da tings you tell me fo do Make me feel real good inside.

Songs 119:16

Wen I tink bout da tings You tell me I gotta do fo you, Make me feel real good inside. I no goin foget da tings you tell.

Songs 119:35

Help me fo live Da way you wen tell us guys fo live, Cuz erytime I do stuff dat way, I stay good inside.

Songs 119:97

Eh! I get love an aloha Fo da Rules you teach! All day, I tink bout um.

Songs 128:1

All da peopo dat feel jalike dey sked Weneva dey come In front Da One In Charge, An dat live da way he like dem fo live, Dey can stay good inside.

Songs 145:19

Fo da peopo dat feel jalike dey sked Wen dey in front Da One In Charge, He do da ting dass Da bestes ting fo dem. Wen dey yell fo him help dem, he lissen, An he get um outa trouble.

Songs 147:1

Eh you guys! Tell good tings Bout Da One In Charge! Cuz az good, you know, Us guys sing fo oua God. Az nice, we tell good tings bout him.

Songs 150:1

Eh you guys! Tell good tings Bout Da One In Charge! Tell good tings bout God, Inside da place dat stay spesho fo him! Tell good tings bout Da One inside da sky Cuz da sky show dat he strong!

Songs 40:8

You my God, An wen I do wat you like fo me do, Dat make me come good inside! Da Rules you teach stay inside me.

Outa Egypt 1:21

An cuz da helpa wahines mo sked a God den dey sked a da king, God give dem kids fo dem start dea ohana too.

Teacha 8:12

Get bad guys dat do uku pile a bad kine tings, an still yet live long time, you know. But I know dis too: Da peopo dat stay sked a God, dey goin live mo betta den da bad kine guys cuz dey get choke respeck fo God.

Isaiah 50:10

If one a you guys feel sked Wen he go in front Da One In Charge, An he lissen wat I tell, Cuz I da guy dat work fo Da One In Charge, Den, wen dat kine guy walk inside one dark kine place Wea no mo light, He goin trus Da One In Charge, Cuz he know wat kine god him, An he goin let his God take kea him.

Luke 1:50

He give da peopo chance Dat show respeck fo him, From da granfaddas to da grankids.

Rome 7:22

I stay real good inside wen I tink bout da Rules from God.

Rome 8:6

Da guy dat ony tink fo do da bad kine stuff his body like him fo do, az jalike he mahke inside awready. But da guy dat tink fo do wat God Spirit like him fo do, he stay alive fo real kine, an notting bodda him.

Rules Secon Time 28:3

He goin make good kine stuff happen fo you guys inside da towns an all ova outside da country side.