Songs 110:4 - Hawaii Pidgin Bible

⁴ Da One In Charge Make dis strong promise awready, An he no goin change his mind. He tell: “You, you stay one pries foeva fo me. Da same kine pries jalike Melkizedek.”

Songs 110:4 ပူးပေါင်းရင်းမြစ်များ

Songs 132:11

Befo time, Da One In Charge Make one strong promise to David, Da kine promise you can trus, An God no goin change his mind. He tell: “I goin put one king Dat goin come from you, David, On top da throne, Jalike wen you was in charge.

Zekariah 6:13

He goin build da temple fo me, an he goin get respeck jalike he one king, an sit on top his throne, an lead jalike one king. He goin be one pries guy too, ova dea on top his throne. He goin do da two jobs togedda, an do um good.’

Census 23:19

God, he not one guy. No way he tell he goin do someting, An den he no do um. He not da kine god goin tell someting, An den tink az mo betta he neva tell dat. Him, he talk, an den he do um. He make one promise, An he do wat he tell he goin do.

Hebrews 5:6

An get anodda place inside da Bible dat God talk lidis: “You goin stay one pries foeva, Da Melkizedek kine pries.”

Hebrews 6:20

Dass da place wea God stay fo real kine, an Jesus wen go dea befo time fo us guys. Dass jalike da Main Pries Guy go inside da Real, Real Spesho Place inside God Temple. Jesus wen do dat fo us cuz he da Main Pries Guy foeva. He da same kine Main Pries Guy jalike Melkizedek befo time.

Hebrews 7:11

Now, da pries guys, dey all come from Levi, an Aaron was dea firs Main Pries Guy. Da peopo need pries guys fo help da peopo do wat da Rules tell um fo do. But da peopo no can come perfeck jus cuz dey get da Levi kine pries guys. Dass how come dey need one diffren kine pries guy. Dey need da Melkizedek kine pries guys, not da Aaron kine pries guy.

Hebrews 7:17

Da Bible tell dis bout him befo time: “You goin stay one pries foeva, Jalike Melkizedek.”

Hebrews 7:21

Was wen Jesus come one pries, dat God make dat strong promise. God tell um, “I Da One In Charge. I make dis promise, An I no goin change my mind. ‘You one pries guy foeva.’ ”

Hebrews 7:28

Da Rules tell how fo make guys come da Main Pries Guy. An dey come da Main Pries Guy no matta dey not strong inside. But awready had da Rules bout pries guys wen God make da strong promise fo make his Boy come da Main Pries Guy. An his Boy, he da One dass perfeck foeva.

Jesus Show 1:6

Christ wen come da king fo us guys, An make us all come prieses Fo work fo God, his Faddah. We goin tell how awesome he stay. He get powa foeva an eva! Dass it!