Songs 110:3 - Hawaii Pidgin Bible

³ Wen you take yoa army guys Out fo fight, Dey all goin like go wit you. You goin wear fancy kine clotheses Dat show you spesho fo God. You goin feel jalike you stay young One mo time. You goin go out wen da dew come On top da grass From early morning time Wen da light come out.

Songs 110:3 ပူးပေါင်းရင်းမြစ်များ

1 Records 16:29

Tell az good fo show respeck Cuz you know wat kine god Da One In Charge! Bring presents an come in front him. Go down in front Da One In Charge fo show respeck, Cuz he stay good an real spesho.

Nehemiah 11:2

Get odda peopo wen like go live inside Jerusalem town too, an da odda peopo wen tell dem, “Us guys like fo God do good tings fo you guys!”

Songs 29:2

Tell Da One In Charge, You know wat kine god him, an he awesome! Wen you go down in front Da One In Charge, Put on spesho kine clotheses Cuz he good an spesho.

Songs 96:9

Wen Da One In Charge let you see How good an spesho he stay, Go down in front him Fo show love an respeck! You peopos from all ova da world, Goin come sked an shaking in front him!

Ezekiel 43:12

Dis da rules fo da Temple: All da top a da hill inside da wall aroun da Temple goin stay real spesho fo me. Dass da rules fo da Temple.

Micah 5:6

Dey goin take ova da Assyria land wit dea swords. Dey goin take ova da town gates Inside da land dat Nimrod wen make his land. Wen da Assyria guys march inside oua land, Oua leada guy goin win!

Jesus Guys 1:8

But you guys goin get spesho kine powa wen da Good An Spesho Spirit take charge a you. An den you guys goin tell da peopo in Jerusalem wat you know bout me, an same ting fo da peopo all ova Judea, Samaria, an all ova da world.”

Jesus Guys 19:20

Dass how plenny peopo hear wat Da One In Charge tell, an trus him, an do wat he tell um fo do.

Jesus Guys 2:33

God put him in da mos importan place by his right side, an he get da Good An Spesho Spirit, da One God wen promise. He make his Spirit take charge a us guys too, an dass wat you see an hear now.

Jesus Guys 2:41

Had bout three tousan peopo dat trus wat he tell, an get baptize. Den dey come togedda wit da odda peopo dat trus Jesus.

Jesus Guys 21:20

Afta dey hear dat, dey tell, “God, he awesome!” Den dey tell Paul, “Look, braddah, plenny tousan Jew guys trus da Good Stuff Bout Jesus. An dey all stay tight wit all da stuff da Rules tell um fo do.

Jesus Guys 4:4

But plenny peopo dat wen hear dem trus wat dey tell. An bout five tousan peopo trus Jesus dat time.

2 Corint 13:4

Christ neva have powa wen dey wen kill him on top da cross. But Christ get da powa fo live now. Dass jalike us guys. Us no mo powa wen we stay tight wit Christ. But us an you goin live wit Christ fo real kine cuz a da powa God give you guys.

2 Corint 8:12

If you guys like kokua dem, wateva you give, az good. But give wat you can, not wat you no can.

2 Corint 8:16

But I tell God “Mahalo plenny!” cuz he wen make Titus like go all out fo help you guys, jalike me.

Efesus 1:4

Befo God make da world, he pick us awready fo come his guys an fo stay tight wit Christ. He wen like fo us come good an spesho fo him. So den no goin get nobody fo poin finga us guys. God know eryting bout us guys. He get choke love an aloha fo us.

Philippi 2:13

God, he da One stay make you guys like do da tings he like you fo do. An he help you guys fo do um.

1 Tessalonika 4:7

Eh, wen God wen tell us, “Go come! Be my guys!” he neva do dat fo us go do pilau kine stuff! He tell us dat fo us come his peopo, good an spesho fo him!

Titus 2:14

He wen give his life fo mahke fo us guys, fo him cut us loose from all kine pilau stuff, an from go broke God rules, an make us clean inside. He like make us his spesho peopo, dat go all out fo do wateva stay good.

Hebrews 13:21

So, I like God make you guys ready fo do eryting good dat he like you guys fo do. I like him fo do stuff inside us guys dat make him stay good inside. He do dat cuz Jesus Christ give us da powa dat we need. An I like fo erybody tell how awesome Jesus stay, foeva an eva! Dass it!

Jesus Show 7:9

Afta dat, jalike one dream, I look, an dea in front me had uku plenny peopo! Had so plenny dat no can count um. Dey come from all da countries, all da ohanas, all da diffren peopos, an all da language all ova da world. Dey stay stan in front God throne, an in front da Bebe Sheep Guy. Dey wear white kine clotheses, an dey hold branches from da palm tree.

Local Leadas 5:2

“Wen da leada guys fo Israel Go all out fo help da peopo, An da peopo go wit dem, Az da time fo talk good bout Da One In Charge!

Local Leadas 5:9

I get love an aloha fo da ones dat make da rules fo da Israel peopo, An fo da Israel guys dat volunteer fo da army. I like fo dem talk good bout Da One In Charge!