Songs 110:2 - Hawaii Pidgin Bible

² Da One In Charge stay On top Mount Zion, Jerusalem side, An he goin make you strong Fo be da king ova mo an mo peopo. No matta get peopo all aroun you Dat stay agains you, You da one goin be in charge.

Songs 110:2 ပူးပေါင်းရင်းမြစ်များ

Songs 72:8

I like fo da king stay in charge From one ocean to da odda ocean, From da Eufrates Riva To da mos far place inside da world!

Outa Egypt 7:19

Da One In Charge tell Moses fo tell Aaron too: “Go take yoa stick fo walk, put out yoa arm an hold up da stick ova da places inside Egypt dat get watta—da rivas, an da ditches, an da ponds, ery place dat get watta. All da watta goin come blood. All ova da Egypt land, goin get blood, even inside da wood buckets an da stone pots!”

Outa Egypt 8:5

Da One In Charge tell Moses fo tell Aaron dis: “Put out yoa hand an hold yoa stick fo walk ova da rivas, an da canals, an all da pond. Make da frogs come up outa da watta all ova da Egypt land!”

Isaiah 2:3

Den plenny peopos goin go dea an tell, “Come on. We go up da hill wea da Temple stay, Da Temple Fo Da One In Charge, da God Jacob pray to. He goin teach us guys wat he like us fo do, An we goin do um.” Wat Da One In Charge teach goin come from him, From Zion Hill inside Jerusalem town.

Jeremiah 48:17

All you peopo dat live nea Moab, Come real sore inside fo dem! Erybody dat know how awesome Moab was befo time, Dey tell ‘Bummahs! Dea king wen stay strong, but now his spear stay broke! Dea king was awesome befo time, but now, his kahili all bus!’

Ezekiel 19:14

Da fire go from one a da main branches An burn up all da fruits. No mo strong branch on da plant Dat can use fo make da kine stick dat one king carry fo show he da king.’ ” Dis one sad song, an da peopo suppose to sing um wen dey stay sad.

Ezekiel 47:1

Da bronze looking guy bring me back by da gateway fo go inside da open lanai fo go inside da temple. Den I spock watta come out from unda da door fo da Temple. Da watta go east cuz da Temple face east. Da watta flow by da south side a da temple, an south a da altar.

Micah 4:2

Peopo from diffren nations Goin come dea an tell, “Go come! Us go up Da mountain a Da One In Charge, Wea his Temple stay. He da God Jacob wen pray to. He goin show us guys da way he like fo us live, Fo us do wat he tell us fo do, His Rules goin come out from Mount Zion. Wat he tell goin go out from Jerusalem.”

Micah 7:14

Den da peopo tell: “You Da One In Charge! Carry yoa club an come Jalike one sheep guy proteck his sheeps. Lead yoa peopo jalike dey yoa sheeps, Dey da peopo I wen give you jalike dey yoa property. Some a dem live wit nobody inside da fores, But now, give um fields wit green grass fo eat all aroun. I like dem make jalike sheeps Dat eat da green grass Bashan an Gilead side, Jalike befo time.”

Rome 1:16

I no shame notting bout da Good Kine Stuff From God. Dat stuff get plenny powa from God fo get peopo outa da bad kine stuff dey stay do, wen dey trus him. Was da Jew guys dat wen find out bout um firs, an afta dem, all da odda peopos from diffren places find out bout him too.

1 Tessalonika 2:13

An we erytime tell God “Mahalo plenny” cuz a dis too: We wen tell you guys wat God tell, an you guys wen trus dat. You guys neva figga was ony wat peopo tell. Da stuff you guys wen trus was wat God tell, an dass fo real. An dass wat stay make you guys come diffren inside.

1 Peter 1:12

Christ Spirit wen show da talka guys dat all dat kine stuff dey stay talk bout no goin happen fo dem, but bumbye goin happen fo you guys. An now you guys hear bout um. Da guys dat wen tell you bout Christ, dey wen tell you cuz da Good An Spesho Spirit from da sky wen help um. An you know, even da angel messenja guys like know mo plenny bout all dis.