Songs 11:7 - Hawaii Pidgin Bible

⁷ Cuz Da One In Charge, he erytime do wass right, An he get love an aloha fo da peopo dat do wass right. Dass why da peopo dat stay do da right ting, Dey goin get da right fo live wit him.

Songs 11:7 ပူးပေါင်းရင်းမြစ်များ

Job 36:7

God no hold back from watch Fo da peopo dat do da right kine stuff Fo proteck dem. He put dem on top thrones jalike dey kings foeva, An make dem come real importan.

Songs 146:8

Da One In Charge, he da One Dat make da peopo Dat no can see, see, An help da peopo Dat gotta carry too much, fo stan up, An get love an aloha fo da peopo Dat stay do wass right.

Songs 17:15

But me, I goin see you fo real kine Cuz I get um right wit you. Bumbye, wen I wake up, I goin see you right dea wit me, An dass goin be enuff fo me!

Songs 21:6

You do plenny good tings fo da king, All da time. You make him feel real good inside Cuz you tell him fo stay wea you stay.

Songs 33:18

But Da One In Charge, he stay watch Da peopo dat get respeck fo him, Da ones dat stay wait, Dey shua Da One In Charge Goin show he stay tight wit dem.

Songs 33:5

He feel good wen peopo do da right ting An judge da right way. All ova da world, Da One In Charge Erytime stay tight wit his peopo.

Songs 34:15

Da One In Charge, he keep track A da peopo dat erytime do wass right Fo take kea dem. He lissen dem Wen dey yell to him.

Songs 37:28

Cuz Da One In Charge, He like fo peopo do wass right, An he no foget da peopo Dat stay tight wit him. Dose peopo, God goin take kea dem Foeva! But da peopo dat do da bad kine stuff, Even dea kids goin get cut off From God foeva!

Songs 42:5

I tink lidis: “Eh! How come I stay all bum out inside? How come I stay moan?! Mo betta I wait fo God help me! Cuz you know wat? I still goin get Good tings fo tell bout him! Him, he da God fo me, An he stay get me outa trouble.”

Songs 45:7

You like wen stuff stay right An no like wen stuff stay wrong. Dass why God wen pick you Fo come da king. He wen pour olive oil on top yoa head, An not on top yoa frenz head, Fo you stay good inside Cuz he wen pick you.

Songs 45:8

All yoa clotheses smell nice From da sap an da bark Dat dey use fo make perfume. From inside da palaces Wea get plenny nice kine stuff Wit ivory on top, Dey make music Fo make you feel real good.

Songs 5:12

Eh! You Da One In Charge! Dis fo shua: Anybody dat stay do da right ting, You make um so eryting go good fo dem. All aroun dem you make good tings happen Jalike you put one shield aroun dem Fo notting hurt dem.

Songs 7:11

God, erytime he da kine judge Dat judge da right way, Az why he get mad ery day Cuz a da bad kine stuff peopo do.

Songs 7:9

Cuz you da God dat do wass right erytime, An tes wat peopo tink An judge how dey stay inside. Make da peopo dat stay do bad tings, Fo no do um no moa! Make da peopo dat stay do wass right, Come strong an solid.

Songs 99:4

Eh God! You da strong king. You get love an aloha Fo whoeva do da right ting! You da One dat tell Wass da bestes way fo da Israel peopo An you set up da rules fo dem, How fo do wass right.

Smart Guys 15:9

Da way da bad kine peopo make, Dass wat Da One In Charge no like. Da peopo dat go all out fo do da right ting, Dass wat he like fo real kine.

Isaiah 61:8

Cuz me, Da One In Charge, Wen peopo judge da right way Dat make me feel good inside! Wen peopo steal stuff cuz dey bad, I no like dat. Dey can trus me fo do wat I tell I goin do. I goin give dem wat dey wen work fo, An make one deal wit dem dat stay foeva.

1 Peter 3:12

Cuz Da One In Charge get aloha fo da peopo Dat do da right tings, An he lissen good wen dey pray to him, But Da One In Charge stay agains Da peopo dat do bad kine stuff.”

1 John 3:2

My good frenz, us God kids awready. God no show us yet wat kine peopo we goin be bumbye. But we know dat wen Christ come back, us guys goin be jalike him, cuz us goin see him da way he stay.

Jesus Show 22:4

God worka guys goin see his face, an dey goin get God name on top dea forehead.