Songs 11:4 - Hawaii Pidgin Bible

⁴ But Da One In Charge, he stay inside da Temple dat stay spesho fo him. From da sky, Da One In Charge stay in charge a eryting. He watch wat erybody do. He check out all da peopo on top da earth.

Songs 11:4 ပူးပေါင်းရင်းမြစ်များ

1 Records 17:5

I neva live inside one house from da time I bring da Israel peopo dis way till today. I wen stay inside one tent wen da peopo move from one place to anodda place.

2 Records 16:9

Cuz Da One In Charge look all aroun all ova da world, fo find da peopo dat make up dea mind fo go all out fo him, fo him make dem come strong fo him. But you, you wen do one stupid ting! So den, from now you goin get war all da time!”

Job 24:23

Maybe God goin let dem tink dey strong an stay safe, But he watch how dey ack.

Songs 103:19

Da One In Charge, He wen put his throne inside da sky, An he da One dat stay in charge A eryting an erybody!

Songs 113:5

No mo nobody jalike Da One In Charge, Da One dass da God fo us guys! He get his throne ova eryting,

Songs 139:23

Eh, God! Check me out Fo see how I stay deep inside. Go tes me, an know wat tings I tink bout dat bodda me.

Songs 14:2

Da One In Charge, he look down from da sky An see all da peopo. Da One In Charge look aroun fo see if get even one guy Dat undastan stuff fo real kine An like know God fo real kine.

Songs 18:6

Wen me get plenny trouble, I yell fo my God, Da One In Charge, help me. Up dea inside God temple inside da sky, He hear me yell to him.

Songs 2:4

Da One In Charge, dat sit on top his throne inside da sky, He ony laugh! Da Boss Up Dea, he make fun a dem!

Songs 33:13

Da One In Charge, He look down from da sky An see all da peopo ery place.

Songs 44:21

You tink God neva know dat, O wat?! Cuz he da One know eryting Dat us stay hide inside us. But dass not how was.

Songs 66:7

God da One get da right Fo stay in charge foeva, Cuz he strong. All da time he stay watch Da diffren nations real good. Da nations dat like go agains him, No good dey tink dey mo big den him. (Time out fo da music.)

Songs 9:11

Sing one song fo Da One In Charge, Da king dat stay live on top Mount Zion! Go by all da peopos, Make shua dey know da tings he do.

Smart Guys 15:3

Da One In Charge, he see eryting. He see wat da bad kine peopo do, An da good kine peopo do.

Isaiah 66:1

Dis wat Da One In Charge tell: “Da sky, jalike one throne wea I sit down. Da earth, jalike one stool wea I put my feets on top. Wea da house you guys goin build fo me? Wea I goin res?

Jeremiah 17:10

“Me, Da One In Charge, I da One dat know wat erybody tink. I tes how dey feel inside an wat dey like, So dis wat dey goin get from me fo wat dey do: Good if dey do good kine, O bad if dey do bad kine.

Jeremiah 23:24

If somebody go hide inside one place nobody know, You tink I no can see um, o wat?! But me, I fill up da sky an da earth!” Az wat Da One In Charge tell.

Micah 1:2

All you peopos, lissen dis! Erybody on top da earth, lissen good: Da One In Charge a me stay inside Da Temple dat stay spesho fo him, He poin finga you guys.

Habakkuk 2:20

But Da One In Charge, he stay inside da Temple dat stay spesho fo him. Shhh! Eryting on top da earth gotta stay quiet in front him.”

Zekariah 2:13

Quiet! All you peopo on top da earth, stay quiet in front Da One In Charge. Cuz he all ready fo come down hea from da place dat stay spesho fo him in da sky!

Matthew 23:21

Whoeva swea to God an tell, ‘I swea by da Temple,’ he swea to da God dat stay inside da Temple.

Matthew 5:34

But eh! I tell you guys dis: No go tell, ‘I swea to God.’ No make one promise an tell ‘I swea by da sky up dea, dat I goin do um!’ cuz dass God throne, wea he stay sit cuz he in charge.

Jesus Guys 7:49

“ ‘Da sky, dass my throne, An da earth, dass da place fo my feets. Wat kine house you goin make fo me? Wea da place fo me fo res?

2 Tessalonika 2:4

He da guy dat goin go agains all da religious kine stuff, an go agains all da diffren tings dat peopo call gods. He goin tell he mo betta den dose gods. He even goin take ova God temple an tell he da real God.

Hebrews 4:13

Eryting God wen make, he can see um. No mo notting he wen make can hide fo him no see um. Cuz eryting stay open fo him know bout um. An God, he da One we gotta tell how come us do da tings we wen do.

Jesus Show 4:2

Right den an dea, God Spirit take charge a me. In front me, up dea inside da sky, get one throne, an somebody stay sit on top da throne.