Songs 11:1 - Hawaii Pidgin Bible

¹ I stay trus Da One In Charge fo no let me get hurt. So, wassamatta you guys stay tell, “Run away from yoa house to da mountains, Jalike you one bird dat fly!

Songs 11:1 ပူးပေါင်းရင်းမြစ်များ

2 Records 14:11

Den Asa call out to his God, Da One In Charge, fo help. He tell, “Da One In Charge, you help peopo, no matta dey get plenny guys o dey not strong! Da One In Charge, you oua God. So help us guys, cuz we need you fo make us strong. We da peopo dat get yoa name, an dass why we goin go agains dis big army. Da One In Charge, you oua God. No let peopo win ova you!”

2 Records 16:8

No foget now! Da Sudan guys an da Libya guys was one real big army wit plenny war wagons an plenny guys dat ride horse. But wen you wen trus Da One In Charge, he make you win ova dem.

Nehemiah 6:11

But I tell um, “You tink I dat kine guy dat goin run away?! No way! You tink I dat kine guy, dat go inside da Temple jus fo stay alive?! Not even! I no goin go ova dea wit you!”

Songs 16:1

Eh God, no let notting bad happen to me! I trus you fo proteck me.

Songs 25:2

You da God fo me! I stay trus you. So, no let me come shame. Da peopo dat stay agains me, No let um win ova me An feel good cuz a dat!

Songs 31:14

But eh, you Da One In Charge! I stay trus you. I tell, “You, you da God fo me!”

Songs 56:11

I stay trus God, Az why I no stay sked. Odda peopo, dey no can do Notting to me, you know!

Songs 7:1

Eh! You Da One In Charge! You my God. I need fo you proteck me! Cuz get guys afta me dat like kill me! Get me outa dis!

Songs 7:2

If you no do dis, Dey goin rip me up an kill me, jalike one lion Dat drag me some place nobody can get me out.

Songs 9:10

Eh! You Da One In Charge! Da peopo dat know wat kine god you, Dey trus you, Cuz you no bag From da peopo dat aks you fo help um.

Smart Guys 6:5

You betta run away from da deal, Jalike da deer run away from da hunta guy An da bird fly away from da trap da hunta guy wen put.

Jeremiah 48:14

“How come you Moab guys talk big an tell, ‘Us no sked fo fight! Us strong fo make war!’?

Luke 13:31

Dat time, had some Pharisee guys dat come by Jesus an tell him. “You betta get outa hea, an go anodda place, cuz King Herod like kill you, you know.”

1 Samuel 19:11

Saul sen watcha guys by David house fo watch him fo dem kill him morning time. But Michal, David wife, tell him, “If you no run away dis nite fo save yoa life, tomorra you mahke die dead!”

1 Samuel 20:38

Den Jonathan yell, “Quick! Hurry up! No stop!” So da boy pick up all da arrows, an come back by his boss.

1 Samuel 22:3

From dea, David go Mizpeh town, Moab side. He tell da Moab king, “Try let my faddah an muddah go by you guys, an stay dea wit you, till I find out wat God goin do fo me.” Da king tell, “Shoots, right on!”

1 Samuel 23:14

David stay inside da boonies wea Saul no can attack um, on top da hills nea Zif town. Ery day, Saul go look fo him, but God neva let Saul grab David.

1 Samuel 27:1

David now stay figga, “Bumbye, aah? Saul goin wipe me out. So, mo betta I bag outa hea, an go by da Filisha peopo. Ova dea, Saul no goin look fo me inside da Israel land no moa, an I goin get away from his powa.”