Songs 109:4 - Hawaii Pidgin Bible

⁴ No matta I show dem love an aloha, Dem guys stay agains me. But me, I ony pray.

Songs 109:4 ပူးပေါင်းရင်းမြစ်များ

2 Samuel 13:39

Bumbye, da king pau stay sad cuz Amnon mahke, but now he stay sad fo no see Absalom.

1 Records 19:4

So Hanun tell his guys fo grab David govmen guys, shave off dea beard, cut off dea clotheses in da middo by da okole, an throw dem outa dea country.

Songs 35:12

I do good tings fo dem, But dey do bad kine stuff Fo pay me back! Dey like make me feel Jalike nobody kea fo me.

Songs 35:7

Cuz I neva do notting to dem, But still yet dey wen hide one net Fo trap me. I neva do notting to dem, But still yet dey wen dig one big hole Fo make me fall down inside an mahke.

Songs 38:20

I do good tings fo dem, An dey do bad tings fo pay me back. Dey agains me, Cuz dey know I like do wass right.

Smart Guys 17:13

If somebody do someting good fo you, An you do someting bad fo pay um back, Bad kine stuff goin happen to yoa ohana!

Daniel 6:10

Wen Daniel find out dat da king sign da paypa fo da rule, he go home inside his house. Da windows fo da top room stay open an face Jerusalem. Three time ery day inside dat room, Daniel go down on top his knees fo tell God “Mahalo plenny!” cuz he do good tings. Wen he pray, he tell God he da bestes, jalike how he do befo time.

Luke 23:34

Jesus tell, “Faddah, let dem go fo dis bad ting dey stay doing. Dey donno wat dey stay doing!” Da army guys throw dice fo take Jesus clotheses.

John 10:32

Jesus tell dem, “I wen show you guys plenny good tings dat I wen do fo my Faddah. Now, wat one a dose good tings you guys throw stone at me fo?”

2 Corint 12:15

An you know, I like give wateva I like give to you guys, an I like give up wateva I like give up fo you guys live too. If I get plenny love an aloha fo you guys, you tink dat mean you goin get ony litto bit love an aloha fo me, o wat?