Songs 108:8 - Hawaii Pidgin Bible

⁸ Gilead side, all dat land stay mines, Manasseh side, same ting. Efraim side, my army guys Goin come from dea. Judah side, dass wea my king guys Goin come from.

Songs 108:8 ပူးပေါင်းရင်းမြစ်များ

Start 49:10

Judah guys goin carry da spesho stick fo show peopo dey da king, Da Judah ohana goin keep dat stick foeva. Till da real owna show up Dass goin be da one Dat da odda peopos goin do wat he tell um fo do.

2 Samuel 2:8

Same time, Abner, Ner boy, da general fo Saul army, take Saul boy Ish-Boshet, an bring him Mahanaim side, da east side a da Jordan Riva.

2 Samuel 5:5

Wen David live Hebron side, he was da king fo da Judah ohana fo seven year an six month. Den wen he go Jerusalem side, he stay da king fo all da Israel an da Judah peopo fo thirty-three year.

Songs 122:5

Dass da place wea da king guys sit On top dea thrones fo judge da peopo. Dass da king guys from da David ohana.

Rules Secon Time 33:17

Da Joseph ohana, dey big an strong, Jalike one king, Jalike one bull dat born firs. Da Joseph ohana get plenny powa, Jalike one wild cow dat get big horn, An wit da horn dey poke all da diffren peopos same time, Even da one dat stay Da mos far place on top da earth. Az how da ten tousan Efraim ohana peopo dat come from Joseph stay, An da tousans inside da Manasseh ohana dat come from Joseph.”

1 Samuel 28:4

Da Filisha army guys come togedda an go Shunem town fo make camp. Saul, he bring all da Israel guys togedda, an dey make camp Gilboa side.