Songs 108:4 - Hawaii Pidgin Bible

⁴ You get one big heart Fo stay tight wit yoa peopo, Mo big den get sky up dea! You da kine God us guys can trus plenny, Jalike get plenny clouds inside da sky!

Songs 108:4 ပူးပေါင်းရင်းမြစ်များ

2 Samuel 22:50

Eh! You Da One In Charge! Dass why I goin tell how awesome you stay In front all da diffren peopos dat donno you! I goin sing fo you an tell how awesome you stay, Cuz I know wat kine god you!

Songs 103:11

You know how far da earth to da sky? Dass how plenny love an aloha God get fo us guys, Fo stay tight wit da peopo Dat get choke respeck fo him!

Songs 113:4

He mo big den all da diffren peopos. Da One In Charge, he da greates, He mo big den even da sky!

Songs 36:5

Eh! You Da One In Charge! You get one good heart Fo help yoa peopo, You get one big heart, Big jalike da sky! You da kine God us guys can trus plenny, Jalike get plenny clouds inside da sky!

Songs 85:10

God, he erytime stay tight wit his peopo, An same time, His peopo erytime like do Wat he trus dem fo do! God, he erytime judge da right way, An same time, eryting come pono Fo his peopo!

Songs 89:2

Dis wat I tell: “Get one ting stay shua: You stay tight wit yoa peopo foeva. An get anodda ting Dat stay solid inside da sky: You erytime do Wat you tell you goin do.”

Songs 89:5

Eh! You Da One In Charge! Erybody inside da sky tell Dat da tings you do, stay awesome! Wen da ones dat stay spesho fo you Come togedda, Dey talk even mo plenny Bout how dey trus you fo erytime do Wat you tell you goin do!

Isaiah 55:9

Jalike da sky stay mo high den da earth, Same ting, da way I do stuff, stay mo high Den da way you guys do stuff. An da way I tink, I tink mo betta Den da way you guys tink.