Songs 103:5 - Hawaii Pidgin Bible

⁵ Da One In Charge give you Da stuff dat make you feel good inside, Cuz he do plenny good tings fo You. No matta you litto mo ol now, He make you come Jalike one young guy one mo time, Jalike one eagle.

Songs 103:5 ပူးပေါင်းရင်းမြစ်များ

Job 33:25

Den da guy dat was sick, His body goin come new jalike one small kid. Jalike wen he was young.

Songs 104:28

Wen you give um dea food, Dey grab um up an grind um. Jalike you open up yoa hand An dey get all da good kine stuff Dey like eat.

Songs 107:9

Cuz Da One In Charge Give da thirsty peopo wat dey need. He fill up da hungry peopo Wit good kine stuff.

Songs 23:5

You set up da tables An put food on um in front me, Fo da guys dat stay agains me See wat you do fo me. You put olive oil on top my head Fo show you get aloha fo me. You make shua my drinking cup Stay full erytime.

Songs 63:5

Inside, I feel jalike I get eryting I like, Jalike wen I eat da bestes kine grinds. I goin yell cuz I feel good An tell erybody dat you da bestes!

Songs 65:4

Anybody you pick an bring um nea you Fo dem make house Nex to yoa Temple, Dey can stay good inside. Az fo shua! Az good, us come yoa house, Da place dat stay spesho fo you— Us no goin need notting moa.

Isaiah 40:31

But da peopo dat wait fo Da One In Charge help dem, Dey goin change fo dem come mo strong still yet. Dey goin fly up jalike da eagle Wit dea wide wing. Dey goin run an no come tired. Dey goin walk an no come wore out.”

Hosea 2:15

Ova dea I goin give her back her grape fields. I goin make Trouble Valley come Da Place Wea Fo Shua Someting Good Goin Happen. An ova dea she goin sing to me jalike wen she stay young. Jalike da time I bring up outa Egypt.”

2 Corint 4:16

Dass why us guys still can handle an no come bum out. No matta oua bodies come mo an mo junk outside, inside God make us mo an mo strong ery day.

1 Timoty 6:17

Tell da peopo dat get plenny money hea inside dis world fo no ack high makamaka, an fo no trus all da rich kine stuff dey get. Dey donno how much time all dat rich kine stuff goin stay. Mo betta dey trus God. He give us eryting fo make us stay good inside plenny.

Joshua 14:11

I still yet stay strong, jalike wen Moses wen sen me ova dea. I still stay ready fo go out fight jalike dat time.