Songs 103:4 - Hawaii Pidgin Bible

⁴ He da One dat buy back yoa life Fo you stay inside his ohana An no mahke an go Inside da Deep Dark Hole. He da One dat stay tight wit you Cuz you stay his guy, Jalike he put one crown on top yoa head Wit love an aloha.

Songs 103:4 ပူးပေါင်းရင်းမြစ်များ

Start 48:16

An he da angel messenja guy dat get me outa all kine trouble. Eh God! Do good kine stuff fo dese boys! Dey goin carry my name, An my faddah guys name too, Abraham an Isaac! Make um come big an plenny peopo, hea inside dis world!”

Songs 103:12

You know how far Da place da sun come up To da place da sun go down? Dass how far God Wen awready take away da shame Fo da tings us guys wen do agains him!

Songs 21:3

Eh! You Da One In Charge! Wen da king come back, You give him yoa aloha An make eryting come good fo him. You put one crown on top his head, Da kine dey make wit da bestes kine gold.

Songs 34:22

Wen Da One In Charge pay da price So dat da peopo dat work fo him No goin mahke, Dat mean all da peopo dat let Da One In Charge take kea dem, Dey no goin get punish notting.

Songs 5:12

Eh! You Da One In Charge! Dis fo shua: Anybody dat stay do da right ting, You make um so eryting go good fo dem. All aroun dem you make good tings happen Jalike you put one shield aroun dem Fo notting hurt dem.

Songs 56:13

Cuz you wen help me fo me no mahke, So I no trip an fall down. Cuz a dat, God, ery place I go, You stay right dea, Jalike you da light Fo make me stay alive.

Songs 65:11

You make da bestes time in da year Wen you give all kine good tings To us guys fo eat, Jalike you put one nice lei On top oua head! Ery place you go, Get ony da bestes kine stuff all ova dea.

Songs 71:23

Wen I sing fo you, I goin yell cuz I stay real good inside. I goin go all out fo sing to you, Cuz you wen pay da price Fo get me outa trouble.

Songs 8:5

Cuz da way you wen make to erybody, Almos like dey God too, aah? You wen make us spesho, Jalike we kings.

Isaiah 38:17

Fo shua, if I neva suffa plenny, Notting come good fo me afta. You get plenny love an aloha fo me. Az why you neva let me go Inside da Deep Dark Hole, an mahke. You wen take all da bad kine stuff I wen do, An put um behind yoa back.

Isaiah 54:8

I wen get real mad, Jalike one flash flood, Cuz I no like wat you guys stay do dat time. I turn my face away so you no can see um Fo short time. But I get love an pity fo you guys, An I goin stay tight wit you foeva.” Dass wat Da One In Charge tell, Da One dat pay da price Fo get you guys outa trouble.

James 1:12

Wen one guy hang in dea, no matta he get presha fo do someting bad, he can stay good inside. He goin get da kine life dat God wen promise to da peopo dat get love an aloha fo him. Dass jalike God give him da prize, cuz he wen fight da bad kine stuff, an win!

1 Peter 5:4

Wen Jesus, da Main Sheep Guy, come back, den God goin give you guys one awesome haku lei cuz you do one good job. An yoa haku lei no goin come poho, foeva.

Jesus Show 5:9

Den dey sing one new song, dat tell: “You da One dat get da right Fo take da paypa, Broke da wax kine seal, An open um. Cuz dey wen kill you jalike one sacrifice. You wen bleed an mahke, Fo pay da price fo bring peopo back to God, From ery ohana, an language, an peopo, an country.