Songs 103:2 - Hawaii Pidgin Bible

² I tink lidis: “Tell erybody dat Da One In Charge, He da One give me da powa Fo do eryting!” An I no goin foget All da good tings he do fo me.

Songs 103:2 ပူးပေါင်းရင်းမြစ်များ

2 Records 32:25

But laytas, Hezekiah come high nose, da way he tink. So he no tink bout Da One In Charge, dat wen make nice to him. Az why Da One In Charge come real huhu wit him an da peopo inside Judah an Jerusalem.

Songs 105:5

No foget all da kine tings he wen do Dat us guys no can do, Wen he do all kine unreal kine stuffs, An wen he judge da peopo.

Songs 106:21

Dey foget God, Da One wen get um outa trouble, Da One dat wen do Big time stuff Egypt side.

Songs 106:7

Da time oua ancesta guys Stay Egypt side, Dey neva undastan Da awesome tings you wen do. Dey foget how plenny Da nice kine stuff you wen do. Dey even wen go agains you Dat time dey stay nea da Red Sea!

Songs 116:12

So! Wat I can do Fo Da One In Charge Fo all da good tings He wen do fo me, aah?

Isaiah 63:1

Da watcha guy tell: “Eh! Who dat guy stay come from da Edom land, From dea main town Bozrah? His clotheses, all red on top! Who dis awesome looking guy, He stay wear real nice clotheses? He march strait, an he real strong! “Da guy tell, ‘Me, I da One get da right fo talk, Cuz I do wass right! I get plenny powa fo get peopo outa trouble!’

Isaiah 63:7

“I goin make shua nobody foget, An tell all dat Da One In Charge do Cuz he stay tight wit us guys, An I goin tell all da good tings Bout Da One In Charge Cuz he do good tings fo us guys. He give us Israel ohana peopo Plenny good kine stuffs. He show love an pity fo us guys, An he stay tight wit us guys foeva.

Rules Secon Time 32:18

You guys wen bag, an go way from da real God Dass jalike da Rock fo you guys, An da One dat stay jalike yoa Faddah. You guys foget da God dat wen bring you guys inside dis world.

Rules Secon Time 32:6

You guys figga, az how you goin pay back Da One In Charge. You goin do pilau kine stuff, o wat?! You guys stupid! You guys donno wat fo do! God, he yoa Faddah, He da One wen make you guys, so he own you, He wen make you guys come one solid nation.

Rules Secon Time 6:12

den make shua you guys no foget Da One In Charge. He da One wen bring you guys outa Egypt, da place wea you guys was slaves.

Local Leadas 5:2

“Wen da leada guys fo Israel Go all out fo help da peopo, An da peopo go wit dem, Az da time fo talk good bout Da One In Charge!

Local Leadas 5:9

I get love an aloha fo da ones dat make da rules fo da Israel peopo, An fo da Israel guys dat volunteer fo da army. I like fo dem talk good bout Da One In Charge!