Songs 103:11 - Hawaii Pidgin Bible

¹¹ You know how far da earth to da sky? Dass how plenny love an aloha God get fo us guys, Fo stay tight wit da peopo Dat get choke respeck fo him!

Songs 103:11 ပူးပေါင်းရင်းမြစ်များ

Songs 57:10

You stay plenny tight wit yoa peopo Jalike get plenny sky up dea! You da kine God us guys can trus plenny, Jalike get plenny clouds inside da sky!

Luke 1:50

He give da peopo chance Dat show respeck fo him, From da granfaddas to da grankids.

Songs 103:17

But Da One In Charge, He stay tight wit his peopo From long time befo time, An till long time from now, Da ones dat get choke respeck fo him. Da peopo dat stick wit da deal God wen make, An no foget fo do Da tings he wen tell um fo do, He goin do wass right fo dem An fo dea kids an grankids too!

Songs 36:5

Eh! You Da One In Charge! You get one good heart Fo help yoa peopo, You get one big heart, Big jalike da sky! You da kine God us guys can trus plenny, Jalike get plenny clouds inside da sky!

Smart Guys 25:3

An gotta work hard fo undastan how da king guys tink, Jalike az hard fo undastan how high da sky, O how deep da earth stay.

Isaiah 55:9

Jalike da sky stay mo high den da earth, Same ting, da way I do stuff, stay mo high Den da way you guys do stuff. An da way I tink, I tink mo betta Den da way you guys tink.

Songs 89:2

Dis wat I tell: “Get one ting stay shua: You stay tight wit yoa peopo foeva. An get anodda ting Dat stay solid inside da sky: You erytime do Wat you tell you goin do.”

Job 22:12

“God stay da mos high place inside da sky. He look down at da mos high stars!

Songs 31:20

You hide dem right dea wea you stay Fo make shua da peopo Dat make plan fo hurt dem, no can. You put dem inside one place Wea da oddas no can find um, Fo da peopo dat talk bad bout dem No can do notting.

Songs 117:2

Cuz Da One In Charge, da way he stay, He strong fo stay tight wit us guys! Cuz us guys his peopo, Fo trus him foeva! Tell good tings bout Da One In Charge!