Songs 102:2 - Hawaii Pidgin Bible

² Right now, I stay presha out, So no go look da odda way! Lissen to me, An do someting fo me real quick Cuz I stay yelling fo you help me!

Songs 102:2 ပူးပေါင်းရင်းမြစ်များ

Job 34:29

But if God stay quiet, nobody goin poin finga him. If he hide his face, nobody can find him. Still yet, he stay in charge a da peopo an da nations same same.

Job 7:21

How come you no hemo da shame I get cuz I do bad kine stuff?! An let me go from da wrong tings I wen do?! Cuz pretty soon I goin be inside da dirt! Wen you look fo me, I no goin stay no moa!”

Songs 104:29

Wen you hide, an no let um see yoa face, Bodda dem plenny. Wen you no let um breave no moa, Dey mahke an dea body come dirt One mo time.

Songs 13:1

Eh! You Da One In Charge! You goin bag from me foeva, o wat?! You goin stay huhu an look da odda way?!

Songs 143:7

Try do someting fo me real quick, Da One In Charge! Cuz I desperate! No look da odda way Fo me no see yoa face! Cuz if I no stay tight wit you, I goin come jalike da odda guys Dat go down da Deep Dark Hole.

Songs 17:1

Eh! You Da One In Charge! I stay tell you Fo do da right ting fo me, so try lissen! I stay yell to you fo help me, So try lissen real good! I stay pray to you, An I no bulai notting.

Songs 22:19

Eh! You Da One In Charge! No stay far away! You da One dat make me strong an help me, Do someting real fas now!

Songs 27:9

No hide from me! No come huhu an tell me fo go way, Cuz I yoa worka guy, An you, you da One dat erytime help me. Eh God! You da One dat erytime get me outa trouble! No bag from me, no leave me hea lidis!

Songs 31:2

Come close an lissen me. Get me outa trouble! Fas kine! Be jalike one big rock fo proteck me. Be jalike one strong wall fo me Inside da mountains Dat no let nobody come agains me Fo kill me.

Songs 40:13

Eh! You Da One In Charge! Do someting good fo me An get me outa dis! Eh! You Da One In Charge! Try hurry up an come help me!

Songs 69:17

No look da odda way An hide so I no can talk to you, Eh! Dis me, yoa worka guy! I stay stressing out, So do someting fas!

Songs 70:1

Eh God! Get me outa trouble! Eh! You Da One In Charge! Help me right now!

Songs 71:2

You do da right ting erytime, So get me outa trouble An no let notting bad happen to me. Lissen good to wat I goin tell you An get me outa trouble.

Outa Egypt 2:23

Afta long time, da king guy fo Egypt mahke. But da Israel peopo, dey stay moan still yet cuz dey slaves. Dey yell to God, “Help!” An God, he hear wat dey tell.

Outa Egypt 2:24

God hear how dey stay moaning, an he no foget da promise he wen make to Abraham an Isaac an Jacob.

Isaiah 43:2

Weneva any one a you guys go thru da watta, I goin stay wit you. Weneva you go thru da rivas, Dey no goin go ova you. Weneva any a you guys walk thru da fire, No goin hurt you, No goin burn you up.

Isaiah 65:24

Befo dey yell fo help, I help um. Wen dey still stay talking, I hear dem awready.

Isaiah 8:17

Az why I goin wait, cuz I stay shua Da One In Charge goin come. Right now, he stay cova his face so da Jacob ohana peopo no can see him. But me, I goin stay wait fo him.

1 Corint 10:13

Wen you guys get chance fo do da bad kine stuff, dass da same ting, jalike wat happen to all da odda peopo. But you know, you guys can trus God fo do wat he tell he goin do. He no goin let you guys get mo plenny presha den you guys can handle. Erytime get presha lidat, God goin make um fo you guys get outa dat. He goin make you guys strong fo handle da presha fo you no fall down.